'தளபதி 63' படப்பிடிப்பில் நயன்தாரா! வைரலாகும் புகைப்படங்கள்
- IndiaGlitz, [Thursday,March 21 2019]
தளபதி விஜய் நடித்து வரும் 'தளபதி 63' படம் வரும் தீபாவளி திருநாளில் வெளியிட திட்டமிடப்பட்டுள்ளதால் வரும் ஜூலைக்குள் படத்தை முடிக்க படக்குழுவினர் திட்டமிட்டு, விறுவிறுப்பாக படப்பிடிப்பை நடத்தி வருகின்றனர்.
இந்த நிலையில் தற்போது விஜய்-நயன்தாரா சம்பந்தப்பட்ட காட்சிகளின் படப்பிடிப்பு நடைபெற்று வருகிறது. நயன்தாரா படப்பிடிப்புக்கு வரும்போதும், படப்பிடிப்பை முடித்துவிட்டு செல்லும்போது ரசிகர்கள் எடுத்த புகைப்படங்கள் இணணயதளங்களில் வைரலாகி வருகிறது. நயன்தாராவும் சிரித்த முகத்துடன் ரசிகர்களை நோக்கி கையசைத்து செல்கிறார்.
ராஜா ராணி, தெறி ஆகிய அட்லி இயக்கிய படங்களில் இரண்டு நாயகிகளும், மெர்சல்' படத்தில் மூன்று நாயகிகளும் இருந்த நிலையில் 'தளபதி 63' படத்தில் நயன்தாரா ஒரே நாயகியாக நடிப்பதாகவும், அதிலும் அவரது கேரக்டர் படத்தின் கதைக்கு முக்கியத்துவம் தரும் வகையில் இருப்பதாகவும் படக்குழுவினர்களிடம் இருந்து தகவல் கசிந்துள்ளது.