போனிகபூரை திடீரென சந்தித்த நயன்தாரா: வலிமை நாயகியா?
- IndiaGlitz, [Saturday,November 16 2019]
அஜித் நடிக்கவுள்ள அடுத்த திரைப்படமான ’வலிமை’ என்ற திரைப்படத்தின் ஆரம்ப கட்ட பணிகள் தற்போது விறுவிறுப்பாக நடைபெற்று வருவது என்பது தெரிந்ததே. இந்த படத்தின் படப்பிடிப்பு வரும் டிசம்பர் முதல் தொடங்கும் என்று எதிர்பார்க்கப்படுகிறது
இந்த நிலையில் இந்த படத்தில் அஜித்துக்கு ஜோடியாக நடிக்கும் நாயகி உள்பட மற்ற நட்சத்திரங்களை தேர்வு செய்யும் பணியில் இயக்குனர் எச்.வினோத் ஈடுபட்டு வருகிறார். இந்த நிலையில் சமீபத்தில் நயன்தாரா மற்றும் விக்னேஷ் சிவன் ஆகிய இருவரும் போனி கபூரை மரியாதை நிமித்தமாக சந்தித்து உள்ளனர். இதுகுறித்த புகைப்படங்கள் இணையதளங்களில் வைரலாகி வருகிறது. இந்த சந்திப்பின்போது போனிகபூர் ஸ்ரீதேவி மகள் ஜான்வி கபூர் இருந்துள்ளார் என்பது குறிப்பிடத்தக்கது
இந்த சந்திப்பின்போது போனி கபூர் தயாரிக்கவிருக்கும் அடுத்த திரைப்படமான ’வலிமை’ படத்தில் அஜித்துக்கு ஜோடியாக நயன்தாரா நடிக்க பேச்சுவார்த்தை நடந்து இருக்கலாம் என்று எதிர்பார்க்கப்படுகிறது. இருப்பினும் இதுகுறித்த அதிகாரப்பூர்வ தகவல் எதுவும் வெளிவரவில்லை என்பது குறிப்பிடத்தக்கது
நயன்தாரா தற்போது ரஜினியுடன் ’தர்பார்’ மற்றும் கொரிய மொழி ரீமேக் படமான ’நெற்றிக்கண்’ உள்பட ஒரு சில படங்களில் நடித்து வருகிறார் என்பது குறிப்பிடத்தக்கது