மெகா ஸ்டாரின் அடுத்த படத்தில் நயன்தாரா - தமன்னா!....
- IndiaGlitz, [Sunday,January 27 2019]
தெலுங்கு திரையுலக மெகா ஸ்டார் சிரஞ்சிவி நடித்து வரும் 151வது படமான 'சயிரா நரசிம்ம ரெட்டி' படத்தில் நாயகியாக நயன்தாரா மற்றும் முக்கிய வேடம் ஒன்றில் தமன்னாவும் நடித்து வருவது தெரிந்ததே. பிரமாண்டமாக மிகப்பெரிய பட்ஜெட்டில் உருவாகி வரும் இந்த படம் இவ்வருடம் வெளியாகும் என எதிர்பார்க்கப்படுகிறது.
இந்த நிலையில் சிரஞ்சீவி நடிக்கவுள்ள 152வது படத்தை பிரபல தெலுங்கு இயக்குனர் கொரட்டலா சிவா இயக்கவுள்ளார். இந்த படத்தில் நயன்தாரா மற்றும் தமன்னா ஆகிய இருவரும் நாயகிகளாக நடிக்கவுள்ளதாக செய்திகள் வெளிவந்துள்ளது.
இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் தேர்வு செய்யப்பட்டு வருவதாகவும் விரைவில் இந்த படத்தின் படப்பிடிப்பு தொடங்கும் என்றும் கூறப்படுகிறது.