நயன்தாரா நடிப்பில் உருவான திகில், சஸ்பென்ஸ் படமான 'கொலையுதிர் காலம்' திரைப்படம் நேற்று வெளியாக இருப்பதாக அறிவிக்கப்பட்ட நிலையில், திடீரென எதிர்பாராத காரணத்தால் இந்த படத்தின் ரிலீஸ் தேதி தள்ளி வைக்கப்பட்டுள்ளதாக தெரிகிறது.

இந்த நிலையில் நயன்தாரா நடித்து வரும் படங்களில் ஒன்று 'லவ் ஆக்சன் டிராமா. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படம் வரும் ஓணம் தினத்தில் வெளியாக உள்ளது.

இந்த நிலையில் இந்த படத்தில் நயன்தாரா நடித்த கேரக்டர் குறித்த அறிவிப்பு தற்போது வெளியாகி உள்ளது. ஷோபா என்ற வித்தியாசமான கேரக்டரில் நயன்தாரா நடித்து இருப்பதாக புதிய போஸ்டருடன் கூடிய ஒரு அறிவிப்பு ஒன்றை சற்று முன் படக்குழுவினர் வெளியிட்டுள்ளனர். அதே போல் இந்த படத்தில் நயன்தாராவின் தோற்றமும் வித்தியாசமாக இருப்பதால் இந்த போஸ்டரை அவரது ரசிகர்கள் ரசித்து, சமூக வலைதளங்களில் பகிர்ந்து வருகின்றனர்.

நிவின்பாலியுடன் நயன்தாரா நடித்த இந்த படத்தை தயான் ஸ்ரீனிவாசன் இயக்கியுள்ளார். ஷான் ரஹ்மான் இசையில் ஜாமோன் ஜான் மற்றும் வர்கீஸ் ராஜ் ஒளிப்பதிவில் விவேக் ஹர்ஷன் படத்தொகுப்பில் இந்த படம் உருவாகியுள்ளது.