சூப்பர் ஸ்டார் ரஜினிகாந்த் நடிப்பில் பி.வாசு இயக்கிய 'மன்னன் என்ற வெற்றி படத்தில்  விஜயசாந்தி நடித்த போல்டான கேரக்டர் போன்ற ஒரு கேரக்டரில் லேடி சூப்பர் ஸ்டார் நயன்தாரா நடிக்கவுள்ளதாக செய்தி வெளிவந்துள்ளது.

நடிகர் சிவகார்த்திகேயன் நடிப்பில் ராஜேஷ் எம் இயக்கத்தில் உருவாகும் படம் ஒன்றின் பூஜை சமீபத்தில் சென்னையில் நடைபெற்றது என்பது தெரிந்ததே. இந்த படம் முழுக்க முழுக்க காமெடிக்கு முக்கியத்துவம் கொடுத்து, 'ரஜினி' நடித்த மன்னன் பட பாணியில் உருவாகவுள்ளதாம். அந்த படத்தில் விஜயசாந்தி நடித்த ஒரு கேரக்டரை போன்ற ஒரு கேரக்டரில் நயன்தாரா நடிக்கவுள்ளதாக படக்குழுவினர்களிடம் இருந்து தகவல் கசிந்துள்ளது.

மேலும் இந்த படத்தை 50 நாட்களில் படப்பிடிப்பு நடத்தி முடிக்கவும் படக்குழு திட்டமிட்டுள்ளது. ரஜினியின் மன்னன் திரைப்படமும்  மிகக்குறுகிய காலத்தில் படமாக்கப்பட்டது என்பது குறிப்பிடத்தக்கது. ஸ்டுடியோக்ரீன் ஞானவேல்ராஜா தயாரிக்கும் இந்த படத்தில் நடிக்கும் மற்ற நடிகர், நடிகையர், தொழில்நுட்ப கலைஞர்கள் பற்றி கூடிய விரைவில் அறிவிப்பு வெளியாகும் என்று எதிர்பார்க்கப்படுகிறது.