ஒரிஜினலை பார்த்து ஒரிஜினலாக இருங்கள். நயன்தாரா வேண்டுகோள்
- IndiaGlitz, [Saturday,October 24 2015]
நயன்தாரா நடித்த 'தனி ஒருவன்', 'மாயா' படங்களை அடுத்து நேற்று முன் தினம் ரிலீஸான 'நானும் ரெளடிதான்' திரைப்படமும் சூப்பர் ஹிட் வெற்றி பெற்றுள்ளதால், ஹாட்ரிக் வெற்றி பெற்று தான் வசூலிலும் லேடி சூப்பர் ஸ்டார் என்பதை மீண்டும் நிரூபித்துள்ளார். ஊடகங்களின் பாசிட்டிவ் விமர்சனங்கள் மற்றும் சமூக ஊடகங்களில் இந்த படத்திற்கு ரசிகர்கள் தெரிவித்துள்ள வாழ்த்துக்கள் ஆகியவை பெரிய புரமோஷனாக மாறியுள்ளது.
இந்த படத்திற்கு பெருகி வரும் ஆதரவை அடுத்து நாளையும் நாளை மறுநாளும் சென்னை உள்பட முக்கிய நகரங்களில் காலையில் சிறப்பு காட்சி திரையிடயுள்ளதாக கூறப்படுகிறது.
இந்நிலையில் நயன்தாரா தனது சமூக வலைத்தளத்தில் ரசிகர்களுக்கு ஒரு வேண்டுகோளை விடுத்துள்ளார். நானும் ரெளடிதான்' திரைப்படம் வெற்றிப்படம் என்பது உறுதியாகியுள்ளதால், இந்த படத்தை தயவுசெய்து யாரும் திருட்டு டிவிடியில் பார்க்க வேண்டாம். தியேட்டருக்கு சென்று ஒரிஜினல் படத்தை பார்த்து, ஒரிஜினலாக இருங்கள் என்று கூறியுள்ளார்.