తెలుగు, త‌మిళ భాష‌ల్లో తిరుగులేని తార‌గా పేరు తెచ్చుకుంది న‌య‌న‌తార‌. తెలుగు విష‌యానికి వ‌స్తే.. నిన్న‌టి త‌రం టాప్ 4 హీరోల‌లో.. చిరంజీవి మిన‌హా మిగిలిన ముగ్గురు అగ్ర క‌థానాయ‌కుల‌తోనూ జోడీక‌ట్టిందీ సుంద‌రి. విశేష‌మేమిటంటే.. ఈ టాప్ హీరోల‌తో మొద‌టి సారి జ‌త‌క‌ట్టినా.. రెండోసారి జ‌త‌క‌ట్టినా.. మొద‌టి అడుగు వెంక‌టేష్‌తోనే వేసింది న‌య‌న‌.

వెంకీతో మొద‌టి సారి 'ల‌క్ష్మీ' కోసం న‌టించాకే నాగార్జున‌తో తొలి సారి 'బాస్' చేసింది. బాల‌కృష్ణ‌తో 'సింహా' చేసింది. వెంకీతో రెండోసారి 'తుల‌సి' కోసం న‌టించాకే.. బాల‌కృష్ణ‌తో రెండోసారి 'శ్రీ‌రామ‌రాజ్యం', నాగ్‌తో 'గ్రీకు వీరుడు' చేసింది. ఇప్పుడు మ‌ళ్లీ.. మూడో రౌండ్ వెంకీతోనే 'రాధాకృష్ణ' కోసం ప్రారంభించ‌నుంది న‌య‌న‌. అంటే.. మ‌ళ్లీ బాల‌కృష్ణ‌, నాగార్జున‌తో మూడోసారి న‌టించే అవ‌కాశ‌ముంద‌న్న‌మాట‌. ఏదీఏమైనా న‌య‌న‌కి టాప్ హీరోల‌తో మొద‌టి రౌండ్‌, సెకండ్ రౌండ్ విష‌యాల్లో శుభారంభం ఇచ్చిన వెంకీ.. మూడోసారి కూడా అచ్చొస్తాడేమో చూడాలి.