మొత్తానికి న‌య‌న‌తార సినిమా వ‌స్తోంది
- IndiaGlitz, [Thursday,October 29 2015]
'వ‌ల్ల‌భ' వంటి వివాద‌స్ప‌ద చిత్రం త‌రువాత శింబు, న‌య‌న‌తార కాంబినేష‌న్‌లో వ‌స్తున్న చిత్రం 'ఇదు నమ్మ ఆళు'. తొమ్మిదేళ్ల త‌రువాత వీరి క‌ల‌యిక‌లో వ‌స్తున్న చిత్ర‌మిది. ఎప్పుడో ప్రారంభ‌మైన ఈ సినిమా.. కొన్ని కార‌ణాల వ‌ల్ల వాయిదాల ప‌ద్ధ‌తిలో చిత్రీక‌ర‌ణ తుదిద‌శ‌కు చేరుకుంది.
ఇక ఒకే ఒక్క పాట షూట్ చేయాల్సి ఉంది ఈ సినిమా కోసం. అది కూడా న‌య‌న క‌నిక‌రిస్తే.. వెంట‌నే పూర్త‌వుతుంద‌ట. ప్ర‌స్తుతం న‌య‌న హ్యాట్రిక్ విజ‌యాల‌తో త‌మిళనాట నెం.1 హీరోయిన్‌గా పేరు తెచ్చుకుంది. ఈ ఊపులోనే 'ఇదు నమ్మ ఆళు'ని కూడా విడుద‌ల చేస్తే ఆ క్రేజ్‌ని ఉప‌యోగించుకున్న‌ట్ల‌వుతుంద‌ని శింబు అండ్ కో ఆలోచిస్తోంద‌ట. దీపావ‌ళికి ఆడియోని.. క్రిస్మ‌స్‌కి సినిమాని విడుద‌ల చేసేందుకు చిత్ర యూనిట్ ప్ర‌య‌త్నాలు చేస్తోంది.