நயன்தாராவின் பேய்ப்படத்தில் யார் ஹீரோ தெரியுமா?
- IndiaGlitz, [Friday,March 25 2016]
கோலிவுட்டின் லேடி சூப்பர் ஸ்டார் நயன்தாரா நடித்த முதல் பேய்ப்படமான 'மாயா' சூப்பர் ஹிட் ஆனதை அடுத்து அவர் நடித்து வரும் மற்றொரு பேய்ப்படத்தை இயக்குனர் சற்குணம் அவர்களின் தயாரிப்பில் அவரது உதவியாளர் தாஸ் ராமசாமி இயக்கி வருகிறார்.
நாயகிக்கு முக்கியத்துவம் உள்ள இந்த பேய்ப்படத்தில் நயன்தாரா முக்கிய வேடத்தில் நடித்தாலும், அவர் இந்த படத்தில் பேயாக நடிக்கவில்லை. ஆனால் இந்த படத்தில் அவர் பயன்படுத்தும் கார் பேயாக நடித்துள்ளதாக கூறப்படுகிறது.
இன்னும் டைட்டில் வைக்கப்படாத இந்த படத்தில் கார்தான் கிட்டத்தட்ட ஹீரோ என்றும், படத்தின் பல முக்கிய காட்சிகளில் கார் நடித்துள்ளது என்றும் படக்குழுவினர்களிடம் இருந்து தகவல்கள் வெளிவந்துள்ளது. 'தனி ஒருவன்' படத்தில் அரவிந்தசாமிக்கு அப்பாவாக நடித்த தம்பி ராமையா இந்த படத்தில் நயன்தாராவுக்கு அப்பாவாக நடித்துள்ளார்.