డ‌బుల్ ధ‌మాకా ఇవ్వ‌నున్న న‌య‌న‌తార
- IndiaGlitz, [Thursday,November 12 2015]
వ‌రుస‌గా మూడు నెల‌ల్లో మూడు సూపర్ హిట్ సినిమాల‌ను త‌న ఖాతాలో వేసుకుంది కేర‌ళ‌కుట్టి న‌య‌న‌తార. ఆగ‌స్టులో 'త‌ని ఒరువ‌న్‌', సెప్టెంబ‌ర్‌లో 'మాయ' (తెలుగులో 'మ‌యూరి'), అక్టోబ‌ర్‌లో 'నానుమ్ రౌడీదాన్' చిత్రాల‌తో త‌మిళ‌నాట ఈ అరుదైన ఘ‌న‌త‌ను త‌న సొంతం చేసుకుంది న‌య‌న. దీంతో అమ్మ‌డి త‌దుప‌రి చిత్రాల‌పై కోలీవుడ్ ఫోక‌స్ పెట్టింది.
తాజాగా వినిపిస్తున్న క‌థ‌నాల ప్ర‌కారం.. డిసెంబ‌ర్‌లో న‌య‌న హీరోయిన్‌గా రెండు త‌మిళ సినిమాలు తెర‌పై సంద‌డి చేసే అవ‌కాశం ఉంద‌ని క‌థ‌నాలు వినిపిస్తున్నాయి. శింబుతో 'వ‌ల్ల‌భ' త‌రువాత న‌య‌న‌తార న‌టించిన 'ఇదు న‌మ్మ ఆళు'.. జీవాతో 'ఈ' త‌రువాత న‌య‌న న‌టిస్తున్న 'తిరునాళ్' డిసెంబ‌ర్‌లో వారం రోజుల గ్యాప్‌లో రావ‌చ్చ‌ని త‌మిళ సినీ వ‌ర్గాలు ముచ్చ‌టించుకుంటున్నాయి.