పుష్కర కాలం తర్వాత..
- IndiaGlitz, [Saturday,August 26 2017]
ద‌క్షిణాదిన ఇప్పుడు స్టార్ హీరోయిన్స్‌లో నెంబ‌ర్ వ‌న్ స్థానంలో ఉన్న‌ది న‌య‌న‌తార. ఈ అమ్మ‌డు త‌మిళ చిత్రాల‌తో సినిమా రంగంలోకి ఎంట్రీ ఇచ్చినా 2005లో విడుద‌లైన త‌మిళ అనువాద చిత్రం చంద్ర‌ముఖితో తెలుగువారికి ప‌రిచ‌య‌మైంది కేర‌ళ కుట్టి న‌య‌న‌తార. ఆ సినిమాలో ర‌జ‌నీ కాంత్ కి జంట‌గా న‌టించిన న‌య‌న‌కి తెలుగులో కూడా వ‌రుస అవ‌కాశాలు వ‌చ్చాయి.
నాగార్జున, వెంక‌టేష్‌, బాల‌కృష్ణ వంటి సీనియ‌ర్ హీరోస్ స‌ర‌స‌న న‌య‌న‌తార జంట‌గా న‌టించింది. అయితే చిరంజీవితో మాత్రం న‌టించ‌లేక‌పోయింది. న‌య‌న‌తార తెలుగులో క్రేజ్ వ‌చ్చే స‌మ‌యానికి చిరంజీవి రాజ‌కీయాల్లో బిజీ అయిపోయాడు. రాజ‌కీయాల నుండి ఖైదీ నంబ‌ర్ 150 చిత్రంతో మ‌ళ్లీ చిరంజీవి సినిమాల్లోకి ఎంట్రీ ఇచ్చాడు. ఈ సినిమాకు ముందుగా న‌య‌న‌తార‌నే హీరోయిన్‌గా అనుకున్నారు. అయితే అప్ప‌ట్లో న‌య‌న‌తార డేట్స్ దొర‌క‌డం క‌ష్ట‌మైంది.
ఎలాగైతే నేం న‌య‌న‌తార చిరంజీవి 151వ సినిమా 'సైరా న‌ర‌సింహారెడ్డి'లో న‌టిస్తుంది. అంటే దాదాపు పుష్కర కాలం తర్వాత న‌య‌న‌తార చిరంజీవి ప‌క్క‌న న‌టిస్తుంది మ‌రి.