నయనతార.. మూడోనెల
- IndiaGlitz, [Monday,October 12 2015]
కోలీవుడ్‌లో నయనతార పేరు ఎప్పుడూ హాట్ టాపిక్కే. అక్క‌డి సినిమాల‌తోనూ.. లేదంటే అక్క‌డి సెల‌బ్రిటీల‌తో ల‌వ్ ఎఫైర్స్‌, ఫెయిల్యూర్స్‌.. ఇలా ఆమె ఏం చేసినా సెన్సేష‌న్‌. ఈ మ‌ధ్య మాత్రం మిగ‌తా వ్య‌వ‌హారాల కంటే సినిమాల ప‌రంగానే న‌య‌న పేరు త‌రుచుగా అక్క‌డ నానుతోంది. 'త‌ని ఒరువన్', 'మాయ' (మ‌యూరి).. ఇలా వ‌రుస‌గా రెండు బ్లాక్‌బ‌స్ట‌ర్ హిట్స్ త‌న సొంతం చేసుకోవ‌డ‌మే అందుకు కార‌ణం. ఈ జోరులోనే ఆమె నుంచి మూడో చిత్రం ఈ నెల‌లో రానుండ‌డంతో ఆమె మ‌రింతగా బ‌జ్ క్రియేట్ చేస్తోంది.
'పిజ్జా' ఫేం విజ‌య్ సేతుప‌తితో న‌య‌న జ‌త‌క‌ట్టిన 'నానుమ్ రౌడీదాన్' ఈ నెల 21న విడుద‌ల కానుంది. దీంతో న‌య‌న హ్యాట్రిక్ పూర్తిచేస్తుందా? లేదా? అంటూ త‌మిళ తంబీలు మ‌చ్చ‌టించుకుంటున్నారు. విశేష‌మేమిటంటే.. ఈ సినిమాల‌న్నీ వ‌రుస నెల‌ల్లోనే సంద‌డి చేయ‌డం. ఆగ‌స్టు 28న 'త‌ని ఒరువన్' రిలీజైతే.. సెప్టెంబ‌ర్ 17న 'మాయ' విడుద‌లైంది. అవి ఇంకా థియేట‌ర్ నుంచి నిష్క్ర‌మించ‌కముందే.. అక్టోబ‌ర్ లో ఆమె కొత్త చిత్రం 'నానుమ్ రౌడీదాన్' రిలీజ్ కాబోతోంది. మూడోనెల‌లోనూ నయనతార హ‌వా కొన‌సాగి.. ఆమెకి హ్యాట్రిక్ హిట్ ద‌క్కుతుందో లేదో తెలియాలంటే మ‌రో ప‌ది రోజులు ఆగాల్సిందే.