త్రిష తొలిసారి న‌టించిన హ‌ర్ర‌ర్ మూవీ నాయ‌కి. ఈ చిత్రాన్ని గోవి ద‌ర్శ‌క‌త్వంలో గిరిధ‌ర్ నిర్మించారు. ఈ చిత్రంలో త్రిష కు జంట‌గా గ‌ణేష్ వెంక‌ట్రామ్ న‌టించారు. విభిన్న క‌థాంశంతో రూపొందిన ఈ చిత్రాన్ని తెలుగు, త‌మిళ్ లో రూపొందించారు. ఇటీవ‌ల రిలీజ్ చేసిన నాయ‌కి పాట‌ల‌కు మంచి స్పంద‌న ల‌భిస్తుంది. ముఖ్య పాత్రల్లో మనోబాలా,కోవైసరళ,జయప్రకాశ్ తదితరులు నటించారు.

త్రిష తొలిసారి హ‌ర్ర‌ర్ మూవీలో న‌టించ‌డం ఓ విశేష‌మైతే..ద్విపాత్రాభిన‌యం చేయ‌డం మ‌రో విశేషం. దీంతో ఇటు టాలీవుడ్ అటు కోలీవుడ్ లో నాయ‌కి మంచి క్రేజ్ ఏర్ప‌రుచుకుంది. హ‌ర్ర‌ర్ మూవీలో త్రిష న‌ట‌న ఎలా ఉంటుందో అని ఆస‌క్తిగా ఎదురుచూస్తున్న‌ నాయ‌కి చిత్రాన్ని జూన్ 10న రిలీజ్ చేయ‌డానికి ప్లాన్ చేస్తున్నారు. ఇదిలా ఉంటే.. మాదేష్ ద‌ర్శ‌క‌త్వంలో మ‌రో హ‌ర్ర‌ర్ మూవీ చేయ‌డానికి త్రిష గ్రీన్ సిగ్న‌ల్ ఇచ్చిన‌ట్టు స‌మాచారం.