சூப்பர் ஸ்டார் ரஜினிகாந்த் நடித்த 'பேட்ட' படம் வரும் பொங்கல் தினத்தில் வெளியாகும் என்று எதிர்பார்க்கப்படும் நிலையில் இந்த படத்தின் அறிவிப்புகள் ஒவ்வொரு நாளும் வெளியாகி ரஜினி ரசிகர்களை உற்சாகப்படுத்தி வருகின்றன

இந்த நிலையில் நேற்று முன் தினம் 'மரணமாஸ் தலைவர் குத்து' பாடல் வெளியானது. நேற்று விஜய்சேதுபதியின் கேரக்டர் 'ஜித்து' என கெத்தாக வெளிவந்தது. இந்த நிலையில் இன்று இந்த படத்தில் முக்கிய கேரக்டரில் நடித்துள்ள நவாசுதின் சித்திக், சிங்கார் சிங்' என்ற கேரக்டரில் நடித்திருப்பதாக அறிவிக்கப்பட்டு, அவரது புதிய ஸ்டில் ஒன்றையும் சன்பிக்சர்ஸ் நிறுவனம் தனது சமூக வலைத்தள பக்கத்தில் அறிவித்துள்ளது

'பேட்ட' படத்தின் முதல் சிங்கிள் ஏற்கனவே வெளியாகி பரபரப்பை ஏற்படுத்தியுள்ள நிலையில் இந்த படத்தின் இரண்டாம் சிங்கிள் வரும் 7ஆம் தேதி வெளியாகவுள்ளது. மேலும் வரும் 9ஆம் தேதி இசை வெளியீட்டு விழாவும் நடைபெறவுள்ளது என்பதும், இந்த விழா சன் டிவியில் நேரடி ஒளிபரப்பு செய்யப்படவுள்ளது என்பதும் குறிப்பிடத்தக்கது.