அட்லீஸ்ட் விக்கிபீடியாவை பார்க்க கூடாதா? நவ்யா நாயர் வீட்டில் குழப்பம் ஏற்படுத்திய நிகழ்ச்சி..!
- IndiaGlitz, [Friday,May 03 2024]
நடிகை நவ்யா நாயர் சமீபத்தில் வெளியிட்ட வீடியோவில் என்னை ஒரு நிகழ்ச்சிக்கு அழைக்கிறார்கள் என்றால் என்னை பற்றிய விவரங்களை என்னிடமே கேட்டிருக்கலாம், குறைந்தபட்சம் விக்கிபீடியாவை பார்த்து தெரிந்து கொண்டிருக்கலாம் என்று கூறியது பரபரப்பை ஏற்படுத்தி உள்ளது.
பிரபல மலையாள நடிகையான நவ்யா நாயர் தமிழில் ’அழகிய தீயே’ ’சிதம்பரம் ஒரு அப்பாசாமி’ ’பாசக்கிளிகள்’ ’மாயக்கண்ணாடி’ ’சில நேரங்களில் ’உள்ளிட்ட படங்களில் நடித்துள்ளார்.
இந்த நிலையில் சமீபத்தில் அவர் ஒரு நிகழ்ச்சிக்காக அழைக்கப்பட்டிருந்த நிலையில் அந்த நிகழ்ச்சியின் கையேட்டில் அவரை பற்றி தவறாக சில விவரங்கள் குறிப்பிடப்பட்டு இருந்ததாக தெரிவித்துளார். எனக்கு ஒரு மகன் மட்டுமே இருக்கும் நிலையில் எனக்கு மகள் இருப்பதாகவும் அவரது மகள் பெயர் யாமிகா என்று குறிப்பிட்டுள்ளதாக வீடியோவில் நவ்யா நாயர் கூறியுள்ளார்.
என்னுடைய மகன் என்னிடம் என் சகோதரி எங்கே என்று கேட்டால் நான் என்ன சொல்வேன் என்று அந்த வீடியோவில் தெரிவித்துள்ள நவ்யா நாயர் ஒருவரை விழாவிற்கு அழைக்கும் போது அவரது விவரங்களை சம்பந்தப்பட்டவர்கள் கேட்டு வாங்கி இருக்கலாம், குறைந்தபட்சம் விக்கிபீடியாவை பார்த்து விவரங்களை தெரிவித்துக் கொண்டிருக்கலாம், இது என்ன என்று சொல்வது என்றே தெரியவில்லை என்று கிண்டலாக கூறியுள்ளார். இந்த வீடியோ பரபரப்பை ஏற்படுத்தி உள்ளது.