న‌టుడిగా కెరీర్‌ను ప్రారంభించిన న‌వీన్ పొలిశెట్టి బాలీవుడ్‌లోనూ స్క్రిప్ట్ రైట‌ర్‌గా ప‌లు చిత్రాల‌కు ప‌నిచేశారు. ఈ ఏడాది ఈయ‌న `ఏజెంట్ సాయి శ్రీనివాస ఆత్రేయ‌`తో స‌క్సెస్‌ను సొంతం చేసుకున్నారు. రెండో చిత్రంగా బాలీవుడ్‌లో `చిచోరే`లో న‌టించారు. ఈ చిత్రం కూడా మంచి విజ‌యాన్ని దక్కించుకుంది. ఇప్పుడు న‌వీన్ పొలిశెట్టి త‌దుప‌రి చిత్రంపై కాస్త క్లారిటీ వ‌చ్చింది. పిట్ట‌గోడ ఫేమ్ అనుదీప్ ద‌ర్శ‌క‌త్వంలో చేయ‌బోతున్నాడు. ఆస‌క్తిక‌ర‌మైన విష‌య‌మేమంటే ఈ చిత్రంతో ద‌ర్శ‌కుడు నాగాశ్విన్ నిర్మాత‌గా మారుతున్నాడు. ఈయ‌న నిర్మాత‌గా స్వ‌ప్న సినిమాస్ బ్యాన‌ర్‌పై న‌వీన్ పొలిశెట్టి సినిమా స్టార్ట్ కానుంద‌ని సినీ వ‌ర్గాల స‌మాచారం. లేటెస్ట్ స‌మాచారం మేరకు ఈ సినిమాకు `జాతి ర‌త్నాలు` అనే టైటిల్‌ను ఖ‌రారు చేశార‌ట‌. ప్ర‌స్తుతం ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయ‌ట‌. త్వ‌ర‌లోనే ఈ సినిమాకు సంబంధించిన అధికారిక స‌మాచారం వెలువ‌డ‌నుంది.

చిన్న సినిమాగా విడుద‌లైన `ఏజెంట్ సాయి శ్రీనివాస్ ఆత్రేయ‌` ఈ ఏడాది భారీ విజ‌యాన్ని ద‌క్కించుకుంది. స‌స్పెన్స్ థ్రిల్ల‌ర్‌గా తెర‌కెక్కిన ఈ చిత్రానికి స్వ‌రూప్ డైరెక్ట‌ర్‌. రాహుల్ యాద‌వ్ న‌క్కా నిర్మాత‌. ఈ సినిమాలో న‌వీన్ పొలిశెట్టి హీరోగా న‌టిస్తూనే స్క్రీన్‌ప్లేలోకూడా భాగ‌మ‌య్యాడు. బేసిక్‌గా న‌వీన్ స్క్రీన్ ప్లే రైట‌ర్ కావ‌డంతో ఏజెంట్ సాయిశ్రీనివాస్ ఆత్రేయ‌ను ఆస‌క్తిక‌రంగా మ‌లుచుకున్నాడు. మ‌రిప్పుడు న‌వీన్ పొలిశెట్టి చేయ‌బోతున్న ఈ సినిమాలో ఏ జోన‌ర్‌లో ఉండ‌బోతుందో చూడాల్సిందే.