యంగ్ టాలెంట్ నవీన్ పోలిశెట్టి, (Naveen Polishetty)అందాల తార అనుష్క శెట్టి (Anushka Shetty) హీరో హీరోయిన్లుగా యూవీ క్రియేషన్స్ సంస్థ ఓ చిత్రాన్ని నిర్మిస్తోంది. ఈ సినిమాకు పి మహేష్ బాబు దర్శకత్వం వహిస్తున్నారు. ఈ సినిమాలో అనుష్క చెఫ్ పాత్రలో నటిస్తున్నారు. ప్రస్తుతం రెగ్యులర్ చిత్రీకరణలో ఉందీ సినిమా. సోమవారం హీరో నవీన్ పోలిశెట్టి పుట్టినరోజు సందర్భంగా ఆయన క్యారెక్టర్ ఫస్ట్ లుక్ ను విడుదల చేశారు.

ఈ చిత్రంలో నవీన్ పోలిశెట్టి (Naveen Polishetty) స్టాండప్ కమెడియన్ సిద్ధు పోలిశెట్టి క్యారెక్టర్ లో కనిపించనున్నారు. కామెడీ టైమింగ్ లో మంచి పేరున్న నవీన్ స్టాండప్ కమెడియన్ గా మరింతగా నవ్వించనున్నారు. ఈ సినిమా ప్రస్తుతం రెగ్యులర్ చిత్రీకరణలో ఉంది. వచ్చే ఏడాది తెరపైకి రానున్న ఈ మూవీపై ఫిల్మ్ లవర్స్ లో మంచి అంచనాలున్నాయి.

ఈ చిత్రానికి సంగీతం - రధన్, సినిమాటోగ్రఫీ- నీరవ్ షా, ఆర్ట్ - రాజీవన్ నంబియార్, పీఆర్వో - జీఎస్కే మీడియా, నిర్మాణం - యూవీ క్రియేషన్స్.