கோலிவுட் திரையுலகில் ஒரு நடிகர் ஒரே ஒரு ஹிட் படத்தை கொடுத்துவிட்டால் அவருடைய முந்தைய முடங்கி போன படங்கள் எல்லாம் தூசு தட்டி எழுப்பப்படும். அதேபோல் அவர் நடித்து கொண்டிருக்கும் மற்ற படங்களும் முக்கியத்துவம் பெறும்

அந்த வகையில் சமீபத்தில் வெளியான அருண்விஜய்யின் 'தடம்' மிகப்பெரிய வெற்றியை பெற்றதை அடுத்து அவர் நடித்து நீண்ட காலமாக கிடப்பில் இருக்கும் 'வா டீல்' படத்தை ரிலீஸ் செய்யும் முயற்சிகள் எடுக்கப்பட்டு வருவதாக தெரிகிறது. மேலும் 'மூடர் கூடம்' இயக்குனர் நவீன் இயக்கி வரும் 'அக்னி சிறகுகள்' படத்தில் அருண்விஜய் முக்கிய கேரக்டரில் நடித்திருப்பதால் இந்த படத்தில் அருண்விஜய் கேரக்டர் குறித்து இயக்குனர் நவீன் நம்பிக்கை தெரிவித்துள்ளார். 'அக்னி சிறகுகள்' படத்திற்காக அருண்விஜய்யை முதன்முதலில் டெஸ்ட்லுக் எடுத்தபோதே அவரை தவிர வேறு யாரும் இந்த கேரக்டருக்கு பொருந்த மாட்டார்கள் என்ற நம்பிக்கை தனக்கு ஏற்பட்டதாக கூறியுள்ளார்.

விஜய் ஆண்டனி, அருண்விஜய் ஆகிய இருவரும் முக்கிய கேரக்டரில் நடித்து வரும் 'அக்னி சிறகுகள்' படத்தில் ஷாலினி பாண்டே, பிரகாஷ்ராஜ், நாசர், ஜெகபதிபாபு உள்பட பலர் நடித்து வருகின்றனர். அம்மா கிரியேஷன்ஸ் சிவா தயாரித்து வரும் இந்த படத்திற்கு அச்சுராஜாமனி இசையமைக்கின்றார். சத்யன் சூரியன் ஒளிப்பதிவில் ஸ்ரீகாந்த் படத்தொகுப்பில் இந்த படம் வளர்ந்து வருகிறது.