బెల్లంకొండ శ్రీనివాస్, కాజల్ అగర్వాల్ హీరో హీరోయిన్‌లుగా ఓ చిత్రం తెరకెక్కుతున్న సంగ‌తి తెలిసిందే. ఈ సినిమా ద్వారా శ్రీనివాస్ రెడ్డి  టాలీవుడ్‌కు దర్శకుడిగా పరిచయం కానున్నారు. వంశధార క్రియేషన్స్ పతాకంపై నవీన్ శొంఠినేని ఈ చిత్రాన్ని నిర్మిస్తున్నారు. తమన్ సంగీత దర్శకుడు. థ్రిల్లర్ నేపథ్యంతో సాగే ఈ సినిమాలో ఇద్దరు హీరోయిన్లకు అవకాశముందని తెలుస్తోంది.

రెండో హీరోయిన్ పేరును త్వరలోనే ప్రకటించనున్నారు. ఇప్పటికే ఈ చిత్రంలో ‘ఒకరికి ఒకరు’ ఫేమ్ శ్రీరామ్ ముఖ్య పాత్రలో నటించనుండగా.. మరో నటుడు నవదీప్ కూడా ఓ కీలక పాత్ర పోషిస్తున్నారని ఫిల్మ్‌న‌గ‌ర్ వ‌ర్గాలు ముచ్చ‌టించుకుంటున్నాయి. ఇటీవల కాలంలో.. నవదీప్ కీల‌క పాత్ర‌ల్లో న‌టించిన‌ ‘ధృవ’, ‘నేనే రాజు నేనే మంత్రి’ సినిమాలు విజయాలు సాధించాయి. మరి ఈ సినిమాతో హ్యాట్రిక్ విజయాన్ని అందిస్తారేమో చూడాలి. ఈ నెల 2 నుంచి చిత్రీకరణ జ‌రుపుకుంటున్న‌ ఈ చిత్రం ఇప్పటికే కొంత షూటింగ్ పార్టును పూర్తిచేసుకుంది. ఇదిలా ఉంటే.. శ్రీవాస్ దర్శకత్వంలో శ్రీనివాస్, పూజా హెగ్డే జంటగా నటించిన ‘సాక్ష్యం’ మే 11న ప్రేక్షకుల ముందుకు రానుంది.