జై సినిమాతో హీరోగా ప‌రిచ‌య‌మైన న‌వ‌దీప్...మొద‌టి సినిమా, చంద‌మామ చిత్రాల‌తో విజ‌యం సాధించినా...ఎందుక‌నో ఆశించిన స్ధాయిలో స‌క్సెస్ సాధించ‌లేక‌పోయాడు. అయితే..న‌వ‌దీప్ వ‌చ్చిన అవ‌కాశాల‌ను స‌ద్వినియోగం చేసుకుంటూ హీరోగానే కాకుండా వేరే హీరోల సినిమాల్లో కూడా న‌టిస్తున్నాడు. ఎన్టీఆర్ బాద్ షా చిత్రంలో న‌టించిన న‌వ‌దీప్...తాజాగా రామ్ చ‌ర‌ణ్ ధృవ చిత్రంలో న‌టిస్తున్నాడు.

ఇదిలా ఉంటే...న‌వ‌దీప్ రూటు మార్చి బుల్లితెర‌పై ద‌ర్శ‌న‌మిస్తున్నాడు. వైజ‌యంతీ మూవీస్ సంస్థ‌లో స్వ‌ప్న‌ద‌త్ నిర్మించే ఓ రియాల్టీ షోకు హాస్ట్ గా చేస్తున్నాడు. ఇందులో టాలీవుడ్ ముద్దుగుమ్మ‌లు సాహ‌సాలు చేయ‌నున్నారు. ఈ విభిన్న కార్య‌క్ర‌మానికి న‌వ‌దీప్ వ్యాఖ్య‌త‌గా వ్య‌వ‌హ‌రించ‌నున్నాడు. బ్ర‌హ్మోత్స‌వం ఆడియో ఫంక్ష‌న్ కి వ్యాఖ్యాత‌గా వ్య‌వ‌హ‌రించిన న‌వ‌దీప్ ఇటీవ‌ల మా అవార్డ్స్ ఫంక్ష‌న్ లో శ్రీకాంత్, సునీల్, సాయిధ‌ర‌మ్ తేజ్ ల‌తో క‌లిసి స్టేజ్ పై డ్యాన్స్ చేసాడు. ఇలా... న‌వ‌దీప్ రూటు మార్చి వెండితెర మీదే కాదు బుల్లితెర పై కూడా కాన్ స‌న్ ట్రేష‌న్ చేస్తున్నాడు. మ‌రి...ఈ కొత్త రూటులో న‌వ‌దీప్ ఎంత వ‌ర‌కు స‌క్సెస్ సాధిస్తాడో చూడాలి.