கண்ட கண்ட நாயோட வாரிசெல்லாம் என் வம்சத்துல பிறக்கணுமா? 'நவயுக கண்ணகி' டிரைலர்.
- IndiaGlitz, [Tuesday,December 19 2023]
ஜாதி மாறி திருமணம் செய்து கொண்ட தம்பதியர் சந்திக்கும் பிரச்சனைகள் குறித்த கதை தான் ’நவயுக கண்ணகி’. இந்த படத்தின் டிரைலர் சற்றுமுன் வெளியாகி உள்ள இணையத்தில் வைரலாகி வருகிறது.
ஜாதி வேறுபாடு பார்ப்பதில்லை என்று பலர் சொன்னாலும் இன்னும் கிராம பகுதிகளில் ஜாதி பிரச்சனை தலைதூக்கி வருகிறது என்பது அவ்வப்போது வரும் செய்திகளில் இருந்து தெரிய வருகிறது.
அந்த வகையில் ஜாதி மாறி காதலித்து திருமணம் செய்து கொண்ட ஒரு தம்பதியர் சந்திக்கும் பிரச்சனைகள், அதனால் ஏற்படும் விளைவுகள் தான் இந்த நவயுக கண்ணகி திரைப்படத்தின் கதை ஆகும்.
பவித்ரா தேன்பாண்டியன், விமல் குமார், டென்சில் ஜார்ஜ், ஜெயப்பிரகாஷ், சுகந்தி குமார் உள்ளிட்ட பலர் நடித்துள்ள இந்த படத்தை கிரண் துரைராஜ் இயக்கி உள்ளார். இந்த படத்தின் டிரைலர் இணையத்தில் வைரலாக வருவதை அடுத்து இந்த படம் நல்ல வரவேற்பு பெரும் என்று எதிர்பார்க்கப்படுகிறது. இந்த படம் விரைவில் ஷார்ட்பிளிக்ஸில் வெளியாக உள்ளது என்பது குறிப்பிடத்தக்கது.