தனுஷ் நடித்த ’அசுரன்’ மற்றும் ’என்னை நோக்கி பாயும் தோட்டா’ ஆகிய திரைப்படங்கள் சமீபத்தில் வெளியானது என்பதும் அவர் நடித்து முடித்துள்ள அடுத்த திரைப்படமான ’பட்டாஸ்’ என்ற திரைப்படம் வரும் ஜனவரி 16ம் தேதி வெளியாக உள்ளது என்பதும் தெரிந்ததே

இந்த நிலையில் அவர் தற்போது கார்த்திக் சுப்புராஜ் இயக்கத்தில் உருவாகி வரும் ஒரு படத்தில் நடித்து வருகிறார். இன்னும் டைட்டில் வைக்கப்படாத இந்த படத்தின் படப்பிடிப்பு நிறைவடையும் நிலையில் உள்ளது. இதனை அடுத்து அவர் ’பரியேறும் பெருமாள்’ இயக்குனர் மாரி செல்வராஜ் இயக்கத்தில் ஒரு படத்தில் நடிக்க உள்ளார் என்பதும் இந்த படத்தின் ஆரம்பகட்ட பணிகள் கிட்டத்தட்ட முடிவடைந்து விரைவில் படப்பிடிப்பு தொடங்க உள்ளது என்பதும் குறிப்பிடத்தக்கது

இந்த நிலையில் தற்போது இந்த படத்தில் தனுஷுடன் இணைந்து நடிக்க பிரபல நடிகரும் இயக்குனரும் ஒளிப்பதிவாளருமான நட்டி நட்ராஜ் ஒப்பந்தம் செய்யப்பட்டுள்ளதாக செய்திகள் வெளியாகி உள்ளது. சமீபத்தில் நட்டி நட்ராஜ், சிவகார்த்திகேயன் நடித்த ‘நம்ம வீட்டு பிள்ளை’ படத்தில் சிறப்பாக நடித்திருந்தார் என்பது குறிப்பிடத்தக்கது. மோகன்லால், ரஜிஷா விஜயன் உள்பட பலர் நடிக்கவிருக்கும் இந்த படம் சந்தோஷ் நாராயணன் இசையில், கலைப்புலி தாணு தயாரிப்பில் தயாராகவுள்ளது என்பது தெரிந்ததே