ஹிப்ஹாப் தமிழா ஆதியின் 'மீசையை முறுக்கு' திரைப்படம் நல்ல வரவேற்பை பெற்றதை அடுத்து அவர் நடித்திருக்கும் அடுத்த படம் 'நட்பே துணை'. குஷ்புவின் தயாரிப்பில் உருவாகியிருக்கும் இந்த படம் வரும் ஏப்ரல் முதல் வாரத்தில் வெளியாகும் என செய்திகள் வெளிவந்தது.

இந்த நிலையில் இந்த படத்தின் சென்சார் தகவல்கள் தற்போது வெளிவந்துள்ளது. இந்த படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர். இதனையடுத்து இந்த படம் வரும் ஏப்ரல் 4ஆம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.

ஹிப்ஹாப் தமிழா ஆதி, அனேகா, கரு பழனியப்பன், விக்னேஷ்காந்த், பாண்டியராஜன், ஹரிஷ் உத்தமன் உள்பட பலர் நடித்துள்ள இந்த படத்தை பார்த்திபன் தேசிங்கு இயக்கியுள்ளார். ஹிப் ஹாப் தமிழா ஆதி இசையில் அரவிந்த் சிங் ஒளிப்பதிவில் ஃபென்னி ஒலிவர் படத்தொகுப்பில் இந்த படம் உருவாகியுள்ளது.