''இது நம்ம ஆளு' பாடலில் தேசிய விருது பெற்ற கலைஞர் பங்கேற்பு
- IndiaGlitz, [Tuesday,March 15 2016]
பாண்டியராஜ் இயக்கத்தில் சிம்பு, நயன்தாரா, ஆண்ட்ரியா நடித்த 'இது நம்ம ஆளு' படத்தில் இடம்பெற்ற 'மாமன் வெயிட்டிங் என்ற ஒரே ஒரு பாடல் மட்டுமே படமாக்கப்பட வேண்டிய நிலையில் அந்த பாடலின் படப்பிடிப்பு விரைவில் தொடங்கவுள்ளதாகவும், இரண்டு நாட்கள் நடைபெறவுள்ள இந்த படப்பிடிப்புக்காக சென்னை எம்.ஜி.ஆர் பிலிம்சிட்டியில் செட் அமைக்கும் பணி நடந்து வருவதாகவும் செய்திகள் வெளிவந்துள்ளது. இந்த செட்டை தேசிய விருது பெற்ற லால்குடி இளையராஜா அமைத்து வருகிறார்.
சிம்புவுடன் பிரபல தெலுங்கு நடிகை ஆதா ஷா இந்த பாடலுக்கு நடனம் ஆடவுள்ள நிலையில் இந்த பாடலுக்கு சதீஷ் கிருஷ்ணன் நடனப்பயிற்சி அளிக்கவுள்ளதாக தகவல்கள் வெளிவந்துள்ளது. இந்த படத்தில் ஆதா ஷா ஒரு பாடலுக்கு நடனம் ஆடுவது மட்டுமின்றி ஒருசில காட்சிகளில் நடிக்கவும் உள்ளார் என்பது குறிப்பிடத்தக்கது.,
இந்த படத்தின் ரிலீஸ் உரிமையை பெற்றுள்ள ஸ்ரீதேனாண்டாள் பிலிம்ஸ் நிறுவனத்தினர் இந்த படத்தை வரும் ஏப்ரலில் வெளியிட திட்டமிட்டுள்ளதாகவும், அதற்குள் இந்த படத்தின் அனைத்து பணிகளும் முடிந்து சென்சாருக்கு செல்ல தயாராகிவிடும் என்றும் கூறப்படுகிறது.