'விஜய் 59' படத்தில் தேசியவிருது பெற்ற பாடகி
- IndiaGlitz, [Monday,November 23 2015]
இளையதளபதி விஜய் நடித்து வரும் 'விஜய் 59' படத்தின் டைட்டில் மற்றும் ஃபர்ஸ்ட்லுக் வரும் 26ஆம் தேதி வெளியாகவுள்ளது என்பது ஏற்கனவே பார்த்தோம். இந்நிலையில் இந்த படத்தில் குழந்தை நட்சத்திரமாக பிரபல நடிகை மீனாவின் மகள் நைனிகா அறிமுகமாகிறார் என்பதும் ஏற்கனவே அனைவரும் அறிந்ததே.
இந்நிலையில் இந்த படத்தில் மீனாவின் மகளுக்கு ஒரு பாடல் இருப்பதாகவும், அந்த பாடலை உத்தாரா உன்னிகிருஷ்ணன் பாட உள்ளதாகவும் கூறப்படுகிறது. இவர் சமீபத்தில் வெளிவந்த ஏ.எல்.விஜய் இயக்கிய 'சைவம்' படத்தில் பாடிய ஒரு பாடலுக்காக தேசிய விருது பெற்றவர் என்பது குறிப்பிடத்தக்கது.
இந்த பாடலை இசையமைப்பாளர் ஜி.வி.பிரகாஷ் மிகச்சிறப்பாக கம்போஸ் செய்துள்ளதாக கூறப்படுகிறது. ஏற்கனவே இந்த படத்திற்காக இரண்டு பாடல்களை விஜய் பாடுகிறார் என்றும், அதில் ஒரு பாடலை ஏற்கனவே பாடிவிட்டார், மற்றொரு பாடலை விரைவில் பாடவுள்ளார் என்பதும் அனைவரும் அறிந்ததே.