3 முறை தேசிய விருது பெற்ற கலை இயக்குனர் காலமானார்!
- IndiaGlitz, [Monday,December 14 2020]
மூன்று முறை சிறந்த கலை இயக்குனருக்கான தேசிய விருது பெற்றவரும் பல முன்னணி இயக்குனர்களோடு பணியாற்றியவருமான கலை இயக்குனர் பி.கிருஷ்ணமூர்த்தி நேற்று இரவு சென்னையில் காலமானார். அவரது மறைவை அடுத்து திரையுலகினர் அவரது குடும்பத்திற்கு இரங்கல் தெரிவித்து வௌர்கின்றனர்.
கலை இயக்குனர் பி.கிருஷ்ணமூர்த்தி வடிவேலு நடிப்பில் சிம்புதேவன் இயக்கிய ‘இம்சை அரசன் 23ம் புலிகேசி உட்பட ஏராளமான படங்களில் கலை இயக்குனராக பணிபுரிந்துள்ளார். தமிழில் ‘கண் சிவந்தால் மண் சிவக்கும் என்ற படத்தின் மூலம் கலை இயக்குனராக அறிமுகமான பி.கிருஷ்ணமூர்த்தி அதன்பின் பாரதிராஜாவின் ‘நாடோடி தென்றல்’, பாலு மகேந்திராவின் ‘வண்ண வண்ண பூக்கள்’, சுஹாசினியின் ‘இந்திரா’, உள்பட பல திரைப்படங்களுக்கு கலை இயக்குனராக பணிபுரிந்துள்ளார்
3 முறை தேசிய விருது பெற்ற கிருஷ்ணமூர்த்தி அவர்கள் நேற்று சென்னையில் காலமான நிலையில் அவரது இறுதி சடங்குகள் இன்று மதியம் 12 மணிக்கு சென்னை மடிப்பாக்கத்தில் உள்ள அவரது இல்லத்தில் நடைபெறுகிறது என்பது குறிப்பிடத்தக்கது