இயக்குனர் பா ரஞ்சித் இயக்கத்தில் உருவான ’நட்சத்திரம் நகர்கிற’து என்ற திரைப்படம் சமீபத்தில் வெளியானது என்பதும் இந்த படம் கலவையான விமர்சனங்களை பெற்ற போதிலும் திரையரங்குகளில் நல்ல வசூலை பெற்று வருவதாகவும் தகவல்கள் வெளியாகியுள்ளன.

இந்த நிலையில் இந்த படத்தில் முக்கிய கேரக்டரில் நடித்திருந்த காளிதாஸ் ஜெயராம் மற்றும் துஷாரா விஜயன் ஆகிய இருவரின் நடிப்புக்கு பாராட்டுக்கள் குவிந்தது என்பதும் குறிப்பாக துஷாரா விஜயன் யாரும் நடிக்க துணியாத ஒரு போல்டான கேரக்டரில் நடித்து அசத்தியிருந்தார் என பெரும்பாலான விமர்சனங்கள் தெரிவித்தன.

இந்த நிலையில் காளிதாஸ் ஜெயராம் மற்றும் துஷாரா விஜயன் மீண்டும் ஒரு படத்தில் இணைந்து நடிக்க இருப்பதாக தகவல்கள் வெளியாகியுள்ளன. தனுஷ் நடித்த ’மாரி’ ’மாரி 2’ உள்பட ஒரு சில திரைப்படங்களை இயக்கிய பாலாஜி மோகனின் அடுத்த திரைப்படத்தில் தான் காளிதாஸ் ஜெயராம் மற்றும் துஷாரா விஜயன் ஜோடியாக நடிக்க இருப்பதாகவும், இந்த படமும் ஒரு ரொமான்ஸ் படம் என்றும், இந்த படம் குறித்த அறிவிப்பு மிக விரைவில் வெளியாகும் என்றும் கூறப்படுகிறது.