మెగాస్టార్ చిరంజీవి ప్రెస్టిజియ‌స్ 150వ చిత్రం ప్ర‌స్తుతం చిత్రీక‌ర‌ణ‌ను జ‌రుపుకుంటుంది. వి.వి.వినాయ‌క్ ద‌ర్శ‌క‌త్వంలో తెరకెక్కుతోన్న ఈ చిత్రంలో హీరోయిన్ ఎవ‌ర‌నేది ఇంకా తెలియ‌రాలేదు. అనుష్క‌, న‌య‌న‌తార స‌హా పలువురు హీరోయిన్స్ పేరు వినిపించిన‌ప్ప‌టికీ ఎవ‌రు చిరు సినిమాల్లో న‌టించ‌డానికి గ్రీన్ సిగ్న‌ల్ ఇవ్వ‌లేదు.

ఒక‌వైపు సినిమా చిత్రీక‌ర‌ణ స్టార్ట‌యిపోయింది. దాంతో రాంచ‌ర‌ణ్ చూపు ఇప్పుడు బాలీవుడ్ హీరోయిన్స్ పై మ‌ళ్ళింద‌ని అంటున్నారు. అందుకు త‌గిన విధంగా ఇప్పుడు చిరు స‌ర‌స‌న బాలీవుడ్ ముద్దుగుమ్మ న‌ర్గీస్ ఫ‌క్రీ న‌టించ‌నుందని ప్ర‌స్తుతం ఈ అమ్మ‌డు విదేశాల్లో ఉంద‌ని ఇక్క‌డ‌కు రాగానే ఫోటో షూట్ చేయాల‌ని చిత్ర‌యూనిట్ భావిస్తుంద‌ట‌. ఈ చిత్రాన్ని రాంచ‌ర‌ణ్ కొణిదెల ప్రొడ‌క్ష‌న్స్ బ్యాన‌ర్‌పై నిర్మిస్తున్నాడు. తమిళ చిత్రం కత్తి సినిమాకు రీమేక్ గా ఈ చిత్రం రూపొందుతోంది.