సార్వత్రిక ఎన్నికల ముందు టాలీవుడ్‌‌లో మినీ ఎలక్షన్స్ జరుగుతున్నాయ్.. నువ్వా నేనా..? అన్నట్లుగా జరుగుతున్న ఈ సమరంలో ఎవరు గెలుస్తారో..? అనే ఉత్కంఠ సినీ ఇండస్ట్రీలో నెలకొంది. ఇప్పటికే ఒక దఫా 'మా' (మూవీ ఆర్టిస్ట్ అసోసియేషన్) అధ్యక్షుడిగా పనిచేసిన నటుడు శివాజీ రాజా ప్యానల్‌‌తో సిద్ధమవ్వగా మరోవైపు నేను సైతం ‘మా’కు పోటీ అంటూ నటుడు నరేశ్ సిద్ధమయ్యారు. దీంతో నరేశ్ వర్సెస్ శివాజీ గా పరిస్థితులు మారిపోయాయి. కాగా ఈ ఇద్దరూ ఒకప్పుడు మిత్రులే.. అయితే ఇప్పుడు ‘మా’ ఎన్నికల యుద్ధంలో బరిలో నిలుస్తున్నారు. అయితే ఈ పోటీలో ‘మా’ అధ్యక్ష పదవి ఎవర్ని వరిస్తుందో.. మా పీఠంపై కూర్చునే అదృష్టం ఎవరికుంటుందో తెలియాలంటే కొన్ని రోజులు వేచి చూడాల్సిందే మరి.

మొదట తాను ఎన్నికల బరిలో ఉన్నట్లు నరేశ్ స్పష్టం చేయడంతో పాటు నామినేషన్ కూడా దాఖలు చేసేశారు. మరోవైపు మరోసారి తాను బరిలో ఉన్నానంటూ ప్యానల్‌‌తో సహా శివాజీ రాజా ప్రకటన విడుదల చేశారు. శివాజీ ప్యానల్‌‌ ఇప్పటి వరకు ఆయనతో పాటు పనిచేసిన వారే ఎక్కువగా ఉండగా.. నరేశ్ ప్యానల్‌లో హీరో రాజశేఖర్, జీవితా రాజశేఖర్ ఉన్నారు. అయితే ఇప్పటి వరకూ పరిస్థితి ప్రశాంతంగా ఉన్నా మున్ముంథు టాలీవుడ్‌‌లో చిన్నపాటి యుద్ధమే జరుగుతుందనేది జగమెరిగిన సత్యమే మరి.

శివాజీ రాజా ప్యానల్ ఇదీ..

ప్రసిడెంట్: శివాజీ రాజా

ఎగ్జిక్యూటివ్ వైస్ ప్రెసిడెంట్: శ్రీకాంత్

వైస్ ప్రెసిడెంట్: ఎస్వీ కృష్ణారెడ్డి

వైస్ ప్రెసిడెంట్: బెనర్జీ

ట్రెజరర్: పరుచూరి వెంకటేశ్వరరావు

జనరల్ సెక్రటరీ: రఘుబాబు

జాయింట్ సెక్రటరీ: బ్రహ్మాజీ

జాయింట్ సెక్రటరీ: నాగినీడు

ఎగ్జిక్యూటివ్ మెంబర్స్..

తనికెళ్ల భరణి

వేణుమాధవ్

రాజీవ్ కనకాల

ఏడిద శ్రీరామ్

సురేష్ కొండేటి

సమీర్ హాసన్

నవభారత్ బాలాజీ

తనీష్

జయలక్ష్మీ

అనితా చౌదరి

ఉత్తేజ్

భూపాల్ రాజు

రాజా రవీంద్ర

వెంకట గోవిందరావు

సాయికుమార్

పృథ్వీరాజ్ బాలిరెడ్డి

రాజ్ తరుణ్

రవిప్రకాష్‌లు శివాజీ ప్యానల్‌లో ఉన్నారు.

నరేష్ వీకే ప్యానల్ ఇదీ..

ప్రెసిడెంట్: నరేష్ వీకే

ఎగ్జిక్యూటివ్ వైస్ ప్రెసిడెంట్: రాజశేఖర్

జనరల్ సెక్రటరీ: జీవితా రాజశేఖర్

ట్రెజరర్: కోట శంకర్ రావు

వైస్ ప్రెసిడెంట్: మాణిక్

వైస్ ప్రెసిడెంట్: హరనాథ్ బాబు

జాయింట్ సెక్రటరీ: శివబాలాజీ మనోహరన్

జాయింట్ సెక్రటరీ: బి. గౌతంరాజు

ఎగ్జిక్యూటివ్ మెంబర్స్..

పసునూరి శ్రీనివాసులు

ఎమ్.డి. అలీ

జె.ఎల్. శ్రీనివాస్

ఎమ్. రాజర్షి

స్వప్నమాధురి

ఎ. లక్ష్మీనారాయణ (టార్జాన్)

శ్రీముఖి ఆర్

గీతాసింగ్

జాకీ

కరాటే కళ్యాణి

నాగ మల్లిఖార్జున రావు వడ్లపట్ల

బాబీ (పిఎస్ఎన్ మూర్తి)

వింజమూరి మధు

సత్యం

ఎమ్. కృష్ణంరాజు (జోగి బ్రదర్స్)

కుమార్ కోమాకుల

ఏ. అశోక్ కుమార్

లక్ష్మీకాంతారావు

జిత్‌మోహన్ మిత్ర

అయితే ఇద్దరి ప్యానల్‌‌లో ప్రముఖులే ఉన్నారు. అయితే నరేశ్ వర్సెస్‌‌ శివాజీ రాజాగా జరుగుతున్న ఈ ఎన్నికల్లో ‘మా’ ఎవరికి సొంతమవుతుందో వేచి చూడాల్సిందే మరి.