నరేష్ హీరోయిన్ తమిళంలోకి....
- IndiaGlitz, [Monday,February 20 2017]
అల్ల‌రి న‌రేష్‌తో ఇంట్లో దెయ్యం నాకేం భ‌యం అనే సినిమాలో నటించిన కృతిక ఇప్పుడు తమిళంలోకి ఎంట్రీ ఇస్తుంది. గ‌తంలో దృశ్యం చిత్రంలో వెంక‌టేస్ కూతురు పాత్ర‌లో క‌నిపించిన ఈ హీరోయిన్ త‌మిళంలో యంగ్ హీరో ఆర్య ప‌క్క‌న న‌టించే అవ‌కాశాన్ని చేజిక్కించుకుంది. ఈ చిత్రంలో కృతిక ప‌ల్లెటూరు అమ్మాయి పాత్ర‌లో క‌న‌ప‌డుతుంద‌ని స‌మాచారం.
వ‌రుడు, వ‌ర్ణ, రాజు రాణి, సైజ్ జీరో చిత్రాల‌తో తెలుగు ప్రేక్ష‌కుల‌కు సుప‌రిచితుడైన ఆర్య బేసిక్‌గా త‌మిళ హీరో. త‌మిళ సంస్కృతిలో భాగ‌మైన జ‌ల్లిక‌ట్టు బ్యాక్‌డ్రాప్‌లో పీరియాడిక్ డ్రామాగా సినిమా రూపొందుతుంది. ఈ సినిమాను అమీర్ డైరెక్ట్ చేస్తున్నాడు. యువ‌న్ శంక‌ర్ రాజా మ్యూజిక్ అందిస్తున్నాడు.