சமந்தாவின் அடுத்த படத்தில் மிஷ்கின் பட நாயகன்
- IndiaGlitz, [Friday,March 23 2018]
திருமணத்திற்கு பின்னரும் பிசியாக கோலிவுட் திரையுலகில் வலம் வந்து கொண்டிருக்கும் நடிகை சமந்தா , சமீபத்தில் ஒரே நேரத்தில் 'இரும்புத்திரை', 'சீமராஜா மற்றும் ஒரு தெலுங்கு படம் என மூன்று படங்களின் படப்பிடிப்பை முடித்துவிட்டார். இதனையடுத்து தனது கணவருடன் ஓய்வு எடுக்க சமந்தா மியாமிக்கு சென்றுள்ளார்.
இந்த நிலையில் சமந்தா நடிக்கவுள்ள அடுத்த படமான 'யூடர்ன்' தமிழ் ரீமேக் திரைப்படத்தின் ஆரம்பகட்ட பணிகள் தொடங்கிவிட்டன . முதலில் இந்த படத்தில் நடிக்கும் நடிகர், நடிகைகள் தேர்வு குறித்த ஆலோசனையில் இயக்குனர் பவன்குமார் உள்ளார்.
இந்த நிலையில் இந்த படத்தின் முக்கிய கேரக்டர் ஒன்றில் நடிக்க மிஷ்கினின் 'சித்திரம் பேசுதடி, அஞ்சாதே படங்களின் நாயகன் நரேன் தேர்வு செய்யப்பட்டிருப்பதாக தெரிய வந்துள்ளது. அதேபோல் இந்த படத்தின் இன்னொரு முக்கிய கேரக்டரில் பூமிகா நடிக்கவுள்ளார். ஏற்கனவே இந்த படத்தில் ராகுல் ரவீந்திரன், ஆதி நடிக்கவுள்ளனர் என்பது தெரிந்ததே.
தமிழ், தெலுங்கு என இரண்டு மொழிகளில் உருவாகவுள்ள இந்த படத்தை ஸ்ரீனிவாசா சில்வர் ஸ்க்ரீன் நிறுவனம் தயாரிக்கவுள்ளது. வரும் ஏப்ரல் மாதம் படப்பிடிப்பு தொடங்கி இந்த ஆண்டு இறுதியில் இந்த படம் வெளியாகும் என்று எதிர்பார்க்கப்படுகிறது.