'நரகாசுரன்' படத்தின் சென்சார் மற்றும் ரன்னிங் டைம் தகவல்கள்
- IndiaGlitz, [Thursday,July 19 2018]
இளம் இயக்குனர் கார்த்திக் நரேன் இயக்கத்தில் அரவிந்தசாமி நடித்த 'நரகாசுரன்' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் சமீபத்தில் முடிவடைந்தது. இதனிடையே இந்த படத்தின் இயக்குனர் கார்த்திக் நரேன் மற்றும் தயாரிப்பாளர் கவுதம் மேனன் இடையே கருத்துவேறுபாடு ஏற்பட்டதால் இந்த படத்தின் ரிலீஸ் தாமதமாகி வருவதாக கூறப்பட்டது
இந்த நிலையில் இந்த படத்தின் பிரச்சனைகள் சுமூகமாக தீர்க்கப்பட்டதை அடுத்து இன்று இந்த படம் சென்சாருக்கு சென்றது. இந்த படத்தை பார்த்த சென்சார் அதிகாரிகள் இந்த படத்திற்கு 'யூஏ' சான்றிதழ் அளித்துள்ளனர். மேலும் இந்த படத்தின் ரன்னிங் டைம் 110 நிமிடங்கள் அதாவது ஒரு மணி நேரம் 50 நிமிடங்கள் மட்டுமே ஆகும்.
இந்த நிலையில் இந்த படத்தின் டிரைலர் மற்றும் ரிலீஸ் தேதி குறித்த அறிவிப்பு விரைவில் வெளியிடவுள்ளதாக படக்குழுவினர் அறிவித்துள்ளனர்.
அரவிந்தசாமி, இந்திரஜித், ஸ்ரேயா சரண், சந்தீப் கிஷான் ஆத்மிகா உள்பட பலர் நடித்துள்ள இந்த படத்திற்கு ரான் எதான் யோஹன் இசையமைத்துள்ளார். சுஜித் சரங் ஒளிப்பதிவும், ஸ்ரீஜித் சரங் படத்தொகுப்பும் செய்துள்ள இந்த படம் கார்த்திக் நரேனின் முதல் படம் போலவே வெற்றி பெறும் என்று எதிர்பார்க்கப்படுகிறது.