నారా రోహిత్ నిర్మాతగా మరో చిత్రం
- IndiaGlitz, [Monday,July 20 2015]
బాణం, సోలో, ప్రతినిధి, రౌడీఫెలో, అసుర వంటి విభిన్న చిత్రాలతో తెలుగు ప్రేక్షకులకు దగ్గరైన యంగ్ హీరో నారారోహిత్ అసుర చిత్రాన్ని అరన్ మీడియా బ్యానర్ పై ప్రెజెంట్ చేసి నిర్మాతల్లో ఒకడిగా వ్యవహరించాడు. వరుస సినిమాలు చేస్తూ బిజీగా ఉన్న నారా రోహిత్ ఇప్పుడు మరో చిత్రాన్ని తన హోమ్ బ్యానర్ అరన్ మీడియాపై నిర్మించడానికి రెడీ అయిపోయాడు. ఈ చిత్రంలో శ్రీ విష్ణు, కలర్స్ స్వాతి హీరో హీరోయిన్లుగా నటిస్తున్నారు. వేణు ఉడుగుల ఈ చిత్రానికి దర్శకత్వం వహించనున్నాడు. విజయ్ సి.కుమార్ సినిమాటోగ్రఫీ అందిస్తుండగా సురేష్ యువన్ సంగీత సారథ్యం వహించనున్నాడు. త్వరలోనే ఈ సినిమా సెట్స్ లోకి వెళ్లనుంది.