బాణం, సోలో, ప్ర‌తినిధి, రౌడీ ఫెలో, జో అచ్యుతానంద చిత్రాల‌తో ఆక‌ట్టుకున్న క‌థానాయ‌కుడు నారా రోహిత్‌. డిఫ‌రెంట్ పాత్ర‌ల‌కు చిరునామాలా ఉండే రోహిత్‌.. ప్ర‌స్తుతం బాల‌కృష్ణుడు చిత్రంలో క‌థానాయకుడిగా న‌టిస్తున్న సంగ‌తి తెలిసిందే. రెజీనా హీరోయిన్‌గా న‌టిస్తున్న‌ ఈ చిత్రానికి ప‌వ‌న్ మ‌ల్లెల ద‌ర్శ‌క‌త్వం వ‌హిస్తున్నాడు. ర‌మ్య‌కృష్ణ ఓ ప‌వ‌ర్‌ఫుల్ పాత్ర‌లో న‌టించిన ఈ సినిమాకి మ‌ణిశ‌ర్మ సంగీత‌మందించాడు.

కాగా, ఈ చిత్రంలోని పాట‌ల‌ను ఈ నెల 10న విడుద‌ల చేయ‌నున్నారు. ఇదిలా ఉంటే.. అదే రోజున నారా రోహిత్‌కి సంబంధించి మ‌రో ఆస‌క్తిక‌ర‌మైన అంశ‌మేమిటంటే.. మంచు మ‌నోజ్ క‌థానాయ‌కుడిగా న‌టించిన ఒక్క‌డు మిగిలాడు చిత్రానికి ఆయ‌న వాయిస్ ఓవ‌ర్ అందించారు. మంచు మ‌నోజ్ రెండు పాత్ర‌ల్లో న‌టించిన ఈ చిత్రానికి అజ‌య్ ఆండ్రూస్ ద‌ర్శ‌క‌త్వం వ‌హించారు.

ఇలా.. ఒకే రోజున రెండు ర‌కాలుగా నారా రోహిత్ సంద‌డి చేయ‌నున్నార‌న్న‌మాట‌. సో.. ఈ న‌వంబ‌ర్ 10 ఆయ‌న‌కి స్పెష‌ల్ అనే చెప్పాలి. బాల‌కృష్ణుడు ఈ నెల 24న ప్రేక్ష‌కుల ముందుకు రానుంది.