నారా రోహిత్ న్యూయర్ ప్లాన్స్..!
- IndiaGlitz, [Thursday,December 29 2016]
వ‌రుస‌గా సినిమాలు చేస్తూ ఫుల్ బిజీగా ఉన్న యువ హీరో నారా రోహిత్. ఈ సంవ‌త్స‌రంలో ఓ నాలుగైదు సినిమాల‌తో ప్రేక్ష‌కుల ముందుకు వ‌చ్చిన నారా రోహిత్ ఈ ఏడాది చివ‌రిలో అప్ప‌ట్లో ఒక‌డుండేవాడు అనే సినిమాతో ప్రేక్ష‌కుల ముందుకు వ‌స్తున్నాడు. ఈ చిత్రాన్ని త‌న ఫ్రెండ్స్ కృష్ణ విజ‌య్, ప్ర‌శాంతిల‌తో క‌లిసి నారా రోహిత్ నిర్మించాడు. సాగ‌ర్ చంద్ర ఈ చిత్రాన్ని తెర‌కెక్కించారు.
అసుర సినిమాతో నిర్మాత‌గా మారిన నారా రోహిత్ ఇక నుంచి హీరోగానే కాకుండా నిర్మాత‌గా కూడా వ‌రుస‌గా సినిమాలు నిర్మించేందుకు ప్లాన్ చేస్తున్నాడ‌ట. 2017లో మూడు సినిమాల‌ను నిర్మించాలి అనుకుంటున్నాడ‌ట. త‌ను హీరోగా న‌టించే సినిమాల‌తో పాటు వేరే హీరోల‌తో కూడా సినిమాల‌ను నిర్మించేందుకు స‌న్నాహాలు చేస్తున్నార‌ట. హీరోగా రాణిస్తున్న నారా రోహిత్ నిర్మాత‌గా కూడా స‌క్సెస్ అవుతాడ‌ని ఆశిద్దాం..!