వెంకీ త‌మ్ముడిగా రోహిత్?
- IndiaGlitz, [Monday,January 22 2018]
సీనియ‌ర్ క‌థానాయ‌కుడు వెంక‌టేష్ హీరోగా తేజ ద‌ర్శ‌క‌త్వంలో ఓ సినిమా రూపొందుతున్న సంగ‌తి తెలిసిందే. ఇప్ప‌టికే పూజా కార్య‌క్ర‌మాల‌ను పూర్తిచేసుకున్న ఈ చిత్రం.. అతి త్వ‌ర‌లోనే రెగ్యుల‌ర్ షూటింగ్ జ‌రుపుకోనుంది. 'ఆటా నాదే వేటా నాదే' అనే టైటిల్ ప‌రిశీల‌న‌లో ఉన్న ఈ సినిమాకి యువ సంగీత దర్శకుడు అనూప్ రూబెన్స్ సంగీత‌మందించ‌నున్నారు.
క‌థానాయిక ఎంపిక పూర్తి కాని ఈ సినిమాకి సంబంధించి.. ఓ ఆస‌క్తిక‌ర‌మైన వార్త టాలీవుడ్‌లో హ‌ల్‌చ‌ల్ చేస్తోంది. ఇంత‌కీ అదేమిటంటే.. యువ క‌థానాయ‌కుడు నారా రోహిత్ ఈ చిత్రంలో వెంకీ త‌మ్ముడి పాత్రలో సంద‌డి చేయ‌నున్నాడట. గ‌తంలోనే ఈ చిత్రం విష‌యంలో నారా రోహిత్ పేరు వినిపించినా.. అత‌నిది నెగెటివ్ రోల్ అని క‌థ‌నాలు వ‌చ్చాయి.
తాజా స‌మాచారం ప్ర‌కారం.. వెంకీ సోద‌రుడు పాత్రలో ఆయ‌న న‌టించే అవ‌కాశ‌ముందని తెలిసింది. త్వ‌ర‌లోనే ఈ విష‌యంపై క్లారిటీ వ‌స్తుంది. ఈ ఏడాది ద్వితీయార్థంలో ఈ సినిమా ప్రేక్షకుల ముందుకు రానుంది.