కెరీర్ స్టార్టింగ్ నుండి విభిన్నమైన చిత్రాలను చేస్తూ వస్తోన్న హీరో నారా రోహిత్ ప్రస్తుతం రాజా చెయ్యవేస్తే విడుదల కోసం వెయిట్ చేస్తూనే, తన నెక్ట్స్ ప్రాజెక్ట్స్ తో బిజీగా ఉన్నాడు. అయితే పాత్ర నచ్చితే చిన్నపాత్ర అయినా చేయడానికి సిద్ధమేనని చెప్పే నారారోహిత్ నిజంగానే మరోసారి గెస్ట్ అప్పియరెన్స్ చేశాడు.

గతంలో రవితేజ, పరుశురాం కాంబినేషన్ లో వచ్చిన సారొచ్చారు చిత్రంలో చిన్న పాత్రలో కనపడ్డాడు. ఇప్పుడు త్రిష టైటిల్ రోల్ లో నటిస్తున్న నాయకి చిత్రంలో గెస్ట్ అప్పియరెన్స్ చేశాడట. సినిమాలో పాత్ర నచ్చడం ఒక కారణమైతే, రెండోది దర్శకుడు గోవర్ధన్(గోవి), నారా రోహిత్ కు మంచి స్నేహితుడు కావడం, స్నేహితుడు అడగటంతో నటించడానికి ఒప్పుకోవడం మరో కారణంగా కనపడుతుంది.