శ్రియ త‌న‌యుడిగా నారారోహిత్‌...?
- IndiaGlitz, [Thursday,June 23 2016]
సినిమాల్లో ఏదైనా సాధ్య‌మే అసాధ్యాన్ని సుసాధ్యం చేసేస్తారు, సుసాధ్యాన్ని అసాధ్యంగా చూపిస్తారు. ఒకే వ‌య‌సున్న వారిని తండ్రికొడుకులుగా, త‌ల్లికొడుకులుగా ఇలా ఏలాగైనా చూపించ‌డం సినిమాల్లోనే సాధ్యం. ఇప్పుడు అలాంటి వార్త ఒక‌టి ఫిలింన‌గ‌ర్‌లో చ‌క్క‌ర్లు కొడుతుంది. నంద‌మూరి బాల‌కృష్ణ ప్రెస్టిజియ‌స్ 100వ చిత్రం గౌత‌మిపుత్ర శాత‌క‌ర్ణి చిత్రం శ‌ర‌వేగంగా చిత్రీక‌ర‌ణ‌ను జ‌రుపుకుంటుంది.
ప్ర‌స్తుతం చిలుకూరులో యుద్ధ‌నౌక‌లో వేసిన భారీ సెట్‌లో షూటింగ్ జ‌రుగుతుంది. నెక్ట్స్‌షెడ్యూల్ జార్జియాలో ప్లాన్ చేస్తున్నారు. అయితే చ‌రిత్ర‌ను చూస్తే శాత‌క‌ర్ణికి ఇద్ద‌రు త‌న‌యులున్నారు. వారిద్ద‌రిలో ఒక కొడుకుగా సినిమాలో నారా రోహిత్ క‌న‌ప‌డున్నాడ‌నేదే న్యూస్ అయ్యింది. అంటే బాల‌కృష్ణ స‌ర‌స‌న శ్రియ హీరోయిన్‌గా న‌టిస్తుందంటే శ్రియ కొడుకు నారా రోహిత్ అన్న‌మాట. ఇది విన‌డానికి షాకింగే అయినా క‌థ‌లో భాగమే అని అంటున్నారు. అయితే ఇందులో నిజా నిజాలు తెలియాలంటే వెయిట్ చేయాల్సిందే..