యంగ్ టైగ‌ర్ ఎన్టీఆర్ న‌టిస్తున్నతాజా చిత్రం నాన్న‌కు ప్రేమ‌తో...ఈ చిత్రంలో ఎన్టీఆర్ స‌ర‌స‌న ర‌కుల్ ప్రీత్ సింగ్ న‌టిస్తుంది.ఈ చిత్రం టీమ్ స్పెయిన్ షెడ్యూల్ పూర్తి చేసుకుని హైద‌రాబాద్ చేరుకున్నారు. టాకీ పార్ట్ పూర్త‌వ్వ‌డంతో డ‌బ్బింగ్ వ‌ర్క్ స్టార్ట్ చేసారు. హీరోయిన్ ర‌కుల్ ప్రీత్ సింగ్ శ‌బ్దాల‌య థియేట‌ర్లో త‌న పాత్ర‌కు త‌నే డ‌బ్బింగ్ చెబుతుంది. ఎన్టీఆర్ కూడా డ‌బ్బింగ్ చెప్పాలి.

అయితే ఇంకా ఓ పాట చిత్రీక‌రించాల్సి ఉంది. ఆ పాట‌ను అన్న‌పూర్ణ స్టూడియోలో చిత్రీక‌రించ‌డం కోసం సెట్ రెడీ చేస్తున్నారు. ఎన్టీఆర్ పాట చిత్రీక‌రించిన త‌ర్వాతే మాట అదే డ‌బ్బింగ్ చెబుతానంటున్నాడ‌ట‌. డైరెక్ట‌ర్ సుకుమార్ పోస్ట్ ప్రొడ‌క్ష‌న్ వ‌ర్క్ చాలా స్పీడుగా చేస్తున్నారు. ఈ నెలాఖ‌రున కుద‌ర‌క‌పోతే జ‌న‌వ‌రి మొద‌టివారంలో ఆడియో రిలీజ్ చేయ‌నున్నారు. సినిమాని సంక్రాంతి కానుక‌గా జ‌న‌వ‌రి 13న రిలీజ్ చేయ‌డానికి ప్లాన్ చేస్తున్నారు.