'నాన్నకు ప్రేమతో' ఆడియో రిలీజ్ డేట్...
- IndiaGlitz, [Tuesday,December 22 2015]
యంగ్ టైగర్ ఎన్టీఆర్ హీరోగా సుకుమార్ దర్శకత్వంలో తెరకెక్కుతోన్న చిత్రం 'నాన్నకు ప్రేమతో'. ఈ చిత్రం కోసం తార‌క్ డిఫ‌రెంట్ లుక్‌లో క‌నిపిస్తున్నాడు. ఈ లుక్కే సినిమాకి స్పెష‌ల్ ఎట్రాక్ష‌న్‌గా మారి ఎటెన్ష‌న్ పొందుతోంది. శ‌ర‌వేగంగా షూటింగ్ జ‌రుపుకుంటున్న ఈ సినిమా సంక్రాంతి కానుక‌గా విడుద‌ల కానుంది. విశేష‌మేమిటంటే..
ఈ సినిమాకి సంగీత‌మందిస్తున్న దేవిశ్రీ ప్ర‌సాద్‌, హీరో తార‌క్ కాంబినేష‌న్‌లో రూపొందిన చిత్రాల ప‌రంగా.. సంక్రాంతికి వ‌స్తున్న మూడో సినిమా ఇది.ఆడియో విడుద‌ల కార్య‌క్ర‌మాన్ని ఈ నెల 23న చేస్తామ‌నుకున్నారు కానీ దేవిశ్రీకి పితృవియోగం క‌లగ‌డంతో వాయిదా వేసుకున్నారు. లేటెస్ట్ న్యూస్ ప్ర‌కారం ఈ సినిమా ఆడియో విడుద‌ల కార్య‌క్ర‌మాన్ని డిసెంబ‌ర్ 27న విడుద‌ల చేస్తున్నార‌ని విశ్వ‌స‌నీయ వ‌ర్గాల స‌మాచారం. అధికారకంగా స‌మాచారం రావాల్సి ఉంది.