Animal: 'నాన్న నువ్వు నా ప్రాణం'.. యానిమల్ నుంచి హార్ట్ టచింగ్ సాంగ్..
- IndiaGlitz, [Tuesday,November 14 2023]
బాలీవుడ్ స్టార్ హీరో రణ్‌బీర్‌కపూర్‌(Ranbir Kapoor), సందీప్‌ రెడ్డి వంగా (Sandeep Reddy vanga) కాంబోలో వస్తున్న పాన్ ఇండియా చిత్రం 'యానిమల్'. ఇందులో నేషనల్ క్రష్ రష్మిక మందన్నా హీరోయిన్‌గా నటిస్తుంది. తాజాగా ఈ మూవీ నుంచి 'నాన్న నువ్వు నా ప్రాణం' అంటూ సాగే లిరికల్ పాటను మేకర్స్ విడుదల చేశారు. ఇందులో తండ్రీకొడుకులైన అనిల్ కపూర్-రణ్‌బీర్‌ కపూర్ మధ్య వచ్చే సన్నివేశాలతో ఎమోషనల్‌ టచ్‌తో ఈ పాట సాగుతుంది. సినిమా థీమ్‌ను ప్రతిబింబించేలా ఈ పాట ఉందని అర్థమవుతోంది. అనంత్ శ్రీరామ్‌ రాసిన ఈ పాటను సోను నిగమ్‌ పాడాడు. హర్షవర్దన్ రామేశ్వర్ సంగీతం అందించాడు.
ఇప్పటికే ఈ మూవీ నుంచి యానిమల్ నుంచి ఇటీవలే ‘అమ్మాయీ..’, ‘నే వేరే..’ అంటూ సాగే రెండు పాటలు అభిమానులను ఆకట్టుకున్నాయి. ఇక తండ్రీకొడుకుల ప్రయాణం నేపథ్యంలో సాగే కథతో యానిమల్ ఉండబోతున్నట్టు బీటౌన్ వర్గాలు చెబుతున్నాయి. ఇప్పటికే లాంఛ్ చేసిన యానిమల్ పోస్టర్లు, పాటలు సినిమాపై భారీ అంచనాలు పెంచేశాయి. ఈ చిత్రాన్ని భద్రకాళి పిక్చర్స్‌, టీ సిరీస్‌ సంస్థలపై భూషణ్ కుమార్‌, ప్రణయ్‌ రెడ్డి వంగా, కృషన్‌ కుమార్‌, మురద్‌ ఖేతని సంయుక్తంగా నిర్మిస్తున్నారు.
ముందుగా ఆగస్టు 11న సినిమాను విడుదల చేయాలని భావించినా.. వీఎఫ్ఎక్స్ వర్క్ పూర్తి కాకపోవడంతో రిలీజ్ వాయిదా పడింది. ఇక ఈ చిత్రంలో బాబీ డియోల్, శక్తి కపూర్, పృథ్వీ, తదితరులు నటిస్తున్నారు. హిందీతోపాటు తెలుగు, తమిళం, మలయాళం, కన్నడ భాషల్లో గ్రాండ్‌గా డిసెంబర్ 1న ప్రపంచవ్యాప్తంగా విడుదల కానుంది.