వ‌రుస విజ‌యాల‌ను సాధిస్తున్న యువ క‌థానాయ‌కుడు నేచ‌ర‌ల్ స్టార్ నాని. ప్ర‌స్తుతం ఈయ‌న నిర్మాత‌గా త‌న వాల్ పోస్ట‌ర్స్ సినిమాపై నిర్మించిన 'అ!' సినిమాను ఫిబ్ర‌వ‌రి 16న ప్రేక్ష‌కుల ముందుకు తీసుకురావ‌డానికి స‌న్నాహాలు చేస్తున్నారు. ఇది కాకుండా నాని క‌థానాయ‌కుడిగా 'కృష్ణార్జున యుద్ధం' సినిమా చేస్తున్నాడు.

దీని త‌ర్వాత నాగార్జున‌తో క‌లిసి శ్రీరామ్ ఆదిత్య ద‌ర్శ‌క‌త్వంలో ఓ మ‌ల్టీస్టార‌ర్ చేయ‌బోతున్న సంగ‌తి తెలిసిందే. ఈ రెండు సినిమాల త‌ర్వాత శేఖ‌ర్ క‌మ్ముల ద‌ర్శ‌క‌త్వంలో నాని సినిమా చేయ‌బోతున్నాడ‌ని ఇండ‌స్ట్రీ వ‌ర్గాల స‌మాచారం. రీసెంట్‌గా శేఖ‌ర్ క‌మ్ముల నానికి లైన్ వినిపించాడ‌ట‌. నాని కూడా ఈ సినిమా చేయ‌డానికి త‌న సుముఖ‌త‌ను వ్య‌క్తం చేశాడ‌ని.. అయితే ప్ర‌స్తుతం ఉన్న క‌మిట్‌మెంట్స్ పూర్త‌యిన త‌ర్వాతే శేఖ‌ర్‌క‌మ్ముల సినిమా చేసే అవ‌కాశాలున్నాయి.

'ఫిదా' వంటి స‌క్సెస్ త‌ర్వాత శేఖ‌ర్ క‌మ్ముల మ‌రో సినిమాను డైరెక్ట్ చేయ‌లేదు. నానితో సినిమా చేయాల‌ని ప్ర‌య‌త్నాలు చేస్తున్నారు. ప్ర‌ముఖ డిస్ట్రిబ్యూష‌న్ సంస్థ ఈ సినిమాను నిర్మించ‌నుంది.