ఒక్కొక్క డైరెక్ట‌ర్‌కు ఒక్కొక్క శైలి ఉంటుంది. అలాంటి కోవ‌లో అనిల్ రావిపూడి క‌మ‌ర్షియ‌ల్ డైరెక్ట‌ర్‌గా మంచి పేరునే సంపాదించుకున్నాడు. ప‌టాస్‌, సుప్రీమ్‌, రాజాది గ్రేట్ చిత్రాల‌తో వ‌రుస విజ‌యాల‌ను సొంతం చేసుకున్న అనిల్ రావిపూడి ఇప్పుడు దిల్‌రాజు బ్యాన‌ర్‌లో 'ఎఫ్ 2... ఫ‌న్ అండ్ ఫ్ర‌స్టేష‌న్‌' చిత్రాన్ని తెర‌కెక్కిస్తున్నాడు.

దీని త‌ర్వాత కె.ఎస్‌.రామారావు బ్యాన‌ర్ క్రియేటివ్ క‌మ‌ర్షియ‌ల్స్‌లో ఓ సినిమా చేయ‌బోతున్నాడ‌ట‌. ఈ చిత్రంలో నేచ‌ర‌ల్ స్టార్ నాని హీరోగా న‌టిస్తున్నాడు. ఇప్పుడు జెర్సి సినిమాతో బిజీగా ఉన్న నాని.. త‌దుప‌రి ఇంద్ర‌గంటితో ఓ సినిమా.. విక్ర‌మ్ కుమార్‌తో మారో సినిమా చేయ‌బోతున్నాడు. ఆ వెంట‌నే అనిల్ రావిపూడితో సినిమా ఉంటుంద‌ని స‌మాచారం.