నేచుర‌ల్ స్టార్ నాని టైమ్ గ‌త రెండేళ్లుగా బాగుంద‌నే చెప్పాలి. ఎవ‌డే సుబ్ర‌మ‌ణ్యంతో మొద‌లైన నాని స‌క్సెస్‌ఫుల్ జ‌ర్నీ.. భ‌లే భ‌లే మ‌గాడివోయ్‌, కృష్ణ‌గాడి వీర‌ప్రేమ‌గాథ‌, జెంటిల్‌మ‌న్‌, మ‌జ్ను, నేను లోక‌ల్‌, నిన్ను కోరి..తాజాగా ఎం.సి.ఎ వ‌ర‌కు కొన‌సాగుతూనే ఉంది. తెలుగు రాష్ట్రాల్లోనే కాదు ఓవ‌ర్‌సీస్‌లోనూ నాని సినిమాల‌కి మంచి డిమాండ్ ఉంది. ఈ ఏడాది అయితే.. న‌టించిన మూడు సినిమాల‌తోనూ మిలియ‌న్ డాల‌ర్ల క్ల‌బ్‌లోకి చేరిపోయాడు నాని.

నేను లోక‌ల్‌, నిన్ను కోరి చిత్రాల‌తో ఇప్ప‌టికే ఈ క్ల‌బ్‌లో చేరిన నాని.. తాజా చిత్రం ఎం.సి.ఎతో ఈ శ‌నివారంకి ఈ క్ల‌బ్‌లోకి చేరిపోయాడు. ఈగ చిత్రంలో తొలిసారిగా మిలియ‌న్ డాల‌ర్ క్ల‌బ్‌లోకి చేరిన నాని.. ఆ త‌రువాత భ‌లే భ‌లే మ‌గాడివోయ్ చిత్రంతో ఈ ఫీట్‌ని రిపీట్ చేశాడు. ఆ త‌రువాత ఈ క్ల‌బ్‌లోకి చేర‌డానికి బాగానే టైమ్ తీసుకున్న నాని.. ఇప్పుడు వ‌రుస‌గా మూడు సినిమాల‌తో సెన్సేష‌న్ క్రియేట్ చేయ‌డం విశేషం. అంతేకాకుండా.. ఒకే ఏడాదిలో మిలియ‌న్ డాల‌ర్ల క్ల‌బ్ సినిమాలతో హ్యాట్రిక్ కొట్టిన ఏకైక తెలుగు క‌థానాయ‌కుడు నాని కావ‌డం ప్ర‌త్యేకాంశం అనే చెప్పాలి.