అందులో నిజం లేద‌న్న నాని
- IndiaGlitz, [Sunday,June 02 2019]
'అబ్బాయిలూ అందులో నిజం లేదు' అని అన్నారు నాని. ఇంత‌కీ నాని చెప్పింది ఏ సంగ‌తి? అనేగా మీ ఆలోచ‌న. ఆయ‌న చేయ‌బోతున్నారంటూ వ‌స్తున్న ఓ సినిమా వార్త‌లో నిజం లేద‌ని నాని ట్విట్ట‌ర్ వేదిక‌గా చెప్పారు. ఆ సినిమా పేరు 'కూచిపూడివారి వీధి'. హీరోగా నాని, ద‌ర్శ‌కుడిగా శ్రీకాంత్ అడ్డాల క‌లిసి ఈ సినిమా కోసం ప‌నిచేస్తార‌ని వార్త‌లు వ‌చ్చాయి. అయితే వాటిలో ఏ మాత్రం నిజం లేద‌ని నాని అన్నారు.
ఈ సినిమాను గీతా ఆర్ట్స్ నిర్మించ‌బోతున్న‌ట్టు కూడా ఆ మ‌ధ్య వార్త‌లు వినిపించాయి. ఈ వార్త నిజం కాద‌న‌డంతో అభిమానులు కాసింత నిరాశ‌చెందిన‌ట్టు అర్థమ‌వుతోంది. పుకారుగానే వ‌చ్చిన‌ప్ప‌టికీ 'కూచిపూడివారి వీధి' అనే టైటిల్ మాత్రం బావుంద‌ని, నాని ఫ‌ర్ద‌ర్‌గా ఆ టైటిల్‌ను వాడుకోవ‌చ్చ‌ని కూడా ట్విట్ట‌ర్ వేదిక‌గా కొంత‌మంది స‌ల‌హాలిచ్చారు.