నేచుర‌ల్ స్టార్ నాని న‌టించిన తాజా చిత్రం కృష్ణ గాడి వీర ప్రేమ గాథ‌. ఈ చిత్రాన్ని అందాల రాక్ష‌సి ఫేం హ‌ను రాఘ‌వ‌పూడి తెర‌కెక్కించారు. 14 రీల్స్ ఎంట‌ర్ టైన్మెంట్ సంస్థ ఈ చిత్రాన్ని నిర్మించింది. ఈ నెల 12న ఈ చిత్రాన్ని రిలీజ్ చేస్తున్నారు. అయితే...నాని న‌టించిన‌ భ‌లే భ‌లే మ‌గాడివోయ్ చిత్రం ఓవ‌ర్ సీస్ లో 1.5 మిలియ‌న్ డాల‌ర్లు వ‌సూలు చేసి రికార్డ్ సృష్టించింది. ఈ సినిమా స‌క్సెస్ తో ఓవ‌ర్ సీస్ లో నాని సినిమాల‌కి మ‌రింత క్రేజ్ పెరిగింది.

ఈ నెల 12న రిలీజ్ అవుతున్న‌ కృష్ణ గాడి వీర ప్రేమ గాథ చిత్రాన్ని ఓవ‌ర్ సీస్ లో 130 స్ర్కీన్స్ లో రిలీజ్ చేస్తున్నారు. ఇన్ని స్ర్కీన్స్ లో రిలీజ్ చేయ‌డం అంటే స్టార్ హీరోల సినిమాల‌కే జ‌రుగుతుంది. మ‌రి..స్టార్ హీరో సినిమా రేంజ్లో రిలీజ్ అవుతున్న నాని కృష్ణ గాడి వీర ప్రేమ గాథ అంచ‌నాల‌ను అందుకుంటుందా..? లేదా..? అనేది తెలియాలంటే ఈనెల 12 వ‌ర‌కు ఆగాల్సిందే.