టాలీవుడ్ కింగ్ నాగార్జున మ‌రోసారి బెంచ్ మార్క్ సెట్ చేసార‌ని నాని అంటున్నాడు. ఇంత‌కీ విష‌యం ఏమిటంటే...అంద‌రూ బాగుండాలి..! అంద‌రి సినిమాలు విజయం సాధించాలి అని కోరుకునే మంచి మ‌నిషి కింగ్ నాగార్జున‌. మెగాస్టార్ చిరంజీవి న‌టించిన ఖైదీ నెం 150, నంద‌మూరి న‌ట సింహం బాల‌కృష్ణ న‌టించిన గౌత‌మీపుత్ర శాత‌క‌ర్ణి ఈ రెండు చిత్రాలు స‌క్సెస్ సాధించాలి అని కోరుకుంటూ ఆల్ ది బెస్ట్ చెబుతూ నాగార్జున‌ ట్వీట్ చేసిన విష‌యం తెలిసిందే.

తాజాగా ఈరోజు యువ హీరో శ‌ర్వానంద్ న‌టించిన శ‌త‌మానం భ‌వ‌తి చిత్రం కూడా విజ‌యం సాధించాలి అని కోరుకుంటూ నాగార్జున‌ ట్వీట్ చేయ‌డం విశేషం. లాస్ట్ ఇయ‌ర్ సంక్రాంతికి సినిమా రిలీజ్ చేసి స‌క్సెస్ సాధించావ్. ధైర్యం ఉన్న చోటే విజ‌యం కూడా ఉంటుంది. ఈ సంవ‌త్స‌రం కూడా స‌క్సెస్ సాధించాలి అని కోరుకుంటూ ఆల్ ది బెస్ట్ చెప్పారు.

ఈ సంద‌ర్భంగా నాని ట్విట్ట‌ర్ లో స్పందిస్తూ...ఈవిధంగా విషెస్ తెలియ‌చేయ‌డం ద్వారా నాగ్ మ‌రోసారి బెంచ్ మార్క్ సెట్ చేసారు అంటూ స్పందించారు అది సంగ‌తి..!