భ‌లే భ‌లే మ‌గాడివోయ్, కృష్ణ గాడి వీర ప్రేమ గాథ‌, జెంటిల్ మ‌న్...ఇలా వ‌రుస విజ‌యాలతో హ్యాట్రిక్ సాధించిన యువ క‌థానాయ‌కుడు నాని. అసిస్టెంట్ డైరెక్ట‌ర్ గా కెరీర్ ప్రారంభించి...అష్టా చ‌మ్మా తో చిత్రంతో హీరోగా ఎంట్రీ ఇచ్చి...ఈరోజు వ‌రుస విజ‌యాలు సాధిస్తూ సెన్సేష‌న్ క్రియేట్ చేస్తున్నాడు. నాని ఈరేంజ్ హీరో అవుతాడ‌ని ఎవ‌రూ ఊహించ‌లేదు.

ఇదే మాట నానితో అంటే...మీరే కాదే...అస‌లు నేనే ఊహించ‌లేదు. హీరోగా ఈ స్ధాయ‌లో ఉంటాన‌ని. ఫ‌స్ట్ నాతో ఇంద్ర‌గంటి మోహ‌న‌కృష్ణ అష్టా చ‌మ్మా సినిమా తీస్తాను అని చెప్పిన‌ప్పుడు నాతో సినిమా తీస్తే ఎవ‌రు చూస్తారు అనిపించింది. ఇంకా చెప్పాలంటే...మోహ‌న‌కృష్ణ గారి పై జాలేసింది. అయితే...ఎవ‌రైనా హీరో కావ‌చ్చు. స‌క్సెస్ వ‌స్తే స్టార్ అవ్వ‌చ్చు. కానీ..ప్రేక్ష‌కులు నాని మ‌నోడు అని ఓన్ చేసుకున్నారు చూడండి.... అది అన్నింటిక‌న్నా పెద్ద అదృష్టం నా అభిప్రాయం అంటూ త‌న మ‌న‌సులో మాట‌లు బ‌య‌ట‌పెట్టాడు నేచుర‌ల్ స్టార్.