నాని నెక్ట్స్ మూవీ డైరెక్టర్ ఎవరంటే....
- IndiaGlitz, [Monday,May 23 2016]
నేచురల్ స్టార్ నాని ఇప్పుడున్న లెటెస్ట్ జనరేషన్ హీరోస్ విభిన్న చిత్రాలను ఎంపిక చేసుకుంటూ మంచి విజయాలను సాధిస్తున్నాడు. మారుతి దర్శకత్వంలో వచ్చిన భలే భలే మగాడివోయ్ చిత్రంతో ఓవర్ సీస్ లో మిలియన్ డాలర్స్ హీరోగా కూడా అవతరించాడు. ఇప్పుడు జెంటిల్ మన్ అనే సినిమాతో సందడి చేయడానికి సిద్ధమవుతున్నాడు. ఇప్పుడు నానితో సినిమా చేయడానికి పలువురు దర్శక నిర్మాతలు ఆసక్తిని చూపుతున్నారు. అయితే నాని మాత్రం చాలా సెలక్టివ్ గా ఉన్నాడు.
నాని తన మూవీని తనతో పాటు నటుడుగా ఇండస్ట్రీలోకి ఎంట్రీ ఇచ్చి ఊహలు గుసగుసలాడే చిత్రంతో దర్శకుడిగా మారిన అవసరాల శ్రీనివాస్ దర్శకత్వంలో సినిమా చేస్తాడట. ప్రస్తుతం అవసరాల శ్రీని వారాహి చలన చిత్రం బ్యానర్ పై నారారోహిత్, నాగశౌర్య కాంబినేషన్ లో జ్యో అచ్యుతానంద అనే సినిమాను తెరకెక్కిస్తున్నాడు. ఈ సినిమా పూర్తి కాగానే అవసరాల శ్రీని దర్శకత్వంలో నాని సినిమా ఉంటుందట.