నాని నేను లోక‌ల్ సింగిల్ షాట్ టీజ‌ర్ రిలీజ్..!
- IndiaGlitz, [Friday,November 11 2016]
నేచుర‌ల్ స్టార్ నాని - నేను శైల‌జ ఫేమ్ కీర్తి సురేష్ జంట‌గా నటిస్తున్న చిత్రం నేను లోక‌ల్. ఈ చిత్రాన్ని సినిమా చూపిస్త మావ ఫేమ్ న‌క్కిన త్రినాధ‌రావు తెరకెక్కిస్తున్నారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు ఈ చిత్రాన్ని నిర్మిస్తున్నారు. నాని ప‌క్కా మాస్ గెట‌ప్ లో క‌నిపిస్తున్న ఈ చిత్రానికి యువ సంగీత సంచ‌ల‌నం దేవిశ్రీప్ర‌సాద్ సంగీతం అందిస్తున్నారు.
ఇక ఈ మూవీ 28 సెక‌న్ల సింగిల్ షాట్ టీజ‌ర్ ను రిలీజ్ చేసారు. ప్రేమికులకు మాట‌లు అవ‌స‌రం లేదు. మాట‌లు లేక‌పోయినా మ‌న‌సులో మాట‌లు అర్ధం చేసుకోగ‌ల‌రు. అందుక‌నే అన‌కుంట...ఈ టీజ‌ర్ లో నాని...త‌న ప్రియురాలు (కీర్తి సురేష్)ను ముద్దుకోసం ప‌క్క‌కు ర‌మ్మ‌న‌డం...త‌ను రాను అంటూ చెంప పై ఒకటి ఇవ్వ‌డం...ఇక లాభం లేద‌నుకుని నాని లాక్కుని తీసుకెళ్ల‌డం...ఇదంతా సింగిల్ షాట్ లో ఎలాంటి మాట‌లు లేకుండా చిత్రీక‌రించ‌డం విశేషం. ఈ రొమాంటిక్ సీన్ కి దేవిశ్రీ మ్యూజిక్ యాడ్ అవ్వ‌డంతో టీజ‌ర్ అదిరింది. యూత్ కి చూసిన వెంట‌నే క‌నెక్ట్ అవుతుంది అన‌డంలో ఎలాంటి సందేహం లేదు. నాని ని స‌రికొత్త‌గా చూపిస్తున్న నేను లోక‌ల్ చిత్రాన్ని క్రిస్మస్ కానుక‌గా డిసెంబ‌ర్ లో రిలీజ్ చేయ‌డానికి ప్లాన్ చేస్తున్నారు. టీజ‌రే చూసిన వెంట‌నే క‌నెక్ట్ అయి మ‌ళ్లీ మ‌ళ్లీ చూడాల‌నిపిస్తుంటే.... ఇక మూవీ ఏరేంజ్ లో క‌నెక్ట్ అవుతుందో చూడాలి..!